د ننګرهار ولایت امنیه قوماندان مل پاسوال زړور زاهد د ماین په یوه چاودنه کې وژل شوی دی
(کابل ټکی کام ۲۱ وږی ۱۳۹۵ عبدالهادي همت
د ننګرهار ولایت امنیه قوماندان مل پاسوال زړور زاهد د ماین په یوه چاودنه کې وژل شوی دی.
د ننګرهار د والي ویاند عطاالله خوږیاڼي د وږي په ۲۱مه، رسنیوته ویلي چې چاودنه نن مازیګر په حصارک کې شوې ده.
هغه زیاته کړه، چې په دې چاودنه کې د ننګرهار امنیه قوماندان زړور زاهد او یو ساتونکی یې ټپي شوی دی.
د حصارک ولسوال حاجی ملکو خان د پيښې د تایید ترڅنګ ویلي چې امنیه قوماندان زړور زاهد پوستې ته روان و، چې په لاره کې پرې چاودنه وشوه.
دی وایي، چې امنیه قوماندان په حصارک کې د وسله والو مخالفینو پر ضد پیل شویو عملیاتو کې د برخې اخیستلو په موخه درې ورځې مخکې حصارک ته ورغلی و.
زړه ور زاهد تر دې مخکې په غزني ولایت کې د امنیه قوماندان په توګه دنده ترسره کړې و
طالبانو د یادبرید مسؤلیت منلی دی او ویلي چې زړورزاهد نن مازیګرناوخته دننګرهارولایت په حصارک ولسوالۍ کې دمین په چاودنه کې وژل شوی دی
