افغانستان له هند سره درې تړونونه لاسليک کړل
(کابل ټکی کام ۱۳۹۵وږی ۲۵) الماس خدرخېل
افغان ولسمشر اشرف غني د هند له حکومت سره درې تړونونه لاسليک کړل.
په هند کې د افغانستان سفير شيدا محمد ابدالي رسنيو ته ويلي دي، چې لومړی تفاهم ليک د بنديانو د تبادلو او دوهم يې په عدلي او قضايي او تجارتي برخه کې و او درېيم يې د هوايي ټکنالوژۍ په برخه کې له هند هېواد سره د ولسمشر اشرف غني له خوا لاسليک شول.
اشرف غني تېره ورځ د هندوستان په رسمي بلنه نوي ډيلي ته ولاړ او د هند صدراعظم نريندران مودي سره يې وليدل.
د دواړو هېوادونو مشرانو په ليدنه کې نريندران مودي له افغانستان سره د يو ميليار ډالرو مرستې اعلان هم وکړ.
د يادونې ده، چې هند په راروانو کلونو کې د افغانستان لپاره د ۱۰۰۰تحصيلي بورسونو ژمنه هم کړې ده.
