اوباما په ټاکنو کې د روسیې لاسوهنه ومنله«موږ به غبرګون وښیو»
(کابل ټکی کام ۱۳۹۵ لیندۍ ۲۶) زرغون خوږیاڼی
د امریک د متحده ایالاتو ولسمشر اوباما ومنله چې د امریکا په ټولټاکنو کې د ټرمپ په ګټه روسیې لاسوهنه کړې ده.
اوباما ویلي، چې د روسیې ولسمشر ولادیمیر پوتین خپله د امریکا د ولسمشریزو ټاکنو کې د لاسوهنې عملیاتو مشري کړې، چې د ټرمپ د بریا لپاره وو.
روسیې دا څرګندونې خندوونکې چټيات بللې دي. د ولسمشریزو ټاکنو ګټونکي ډونالډ ټرمپ دا دریځونه بیا سیاسي بللي دي.
منتخب ولسمشر ټرمپ لیکلي ، که روسیه یا یو بل ځای هک کړی، سپینې ماڼۍ د ګام پورته کولو لپاره ولې دومره صبر کړی؟ دا چې هیلېري کلنټن وبایلله اوس شکایتونه کوي؟
باراک اوبا په زغرده د روسي هکرانو د سايبري بريد د جواب ويلو او غچ اخيستلو ګواښ کړی دی. اوباما ويلي: «زه فکر کوم چي په دې کي هيڅ شک نسته چي موږ بايد غبرګون وښيو، کله چي يو بهرنی حکومت زموږ د ټاکنو پر خپلواکمنۍ باندي د بريد هڅه کوي.»
بارک اوباما د نیشنل پبلک رادیو سره په خبرو کې ویلي، چې د امریکا متحده ایالات په ټاکنو کې د روسیې د لاسوهنې په اړه عمل کوي، دده په وینا چې د امریکايي کمپیوټرو په هک کولو او د هلري کلنټن د ایملیونو په افشا کولو کې د روسي مشر ولادیمیر پوتین لاس و او ددې سبب په ټاکنو د ټرمپ بریالي کول وو.
یادې راډيو سره په مرکه کې اوباما وویل: « موږ به د دغه غبرګون وخت او ځای پخپله تعين کړو. د دغه کار يوه برخه به روښانه او په عامه محضر کي وي او يوه برخه به يې نه وي.»
