افغان کرکټ لوبډله نن دوبۍ کې ناميبيا سره لوبه کوي
(کابل ټکی کام ۱۳۹۵ مرغومی ۳۰) الماس خدرخیل
ټاکل شوې ده، چې د صحرا جام کرکټ لوبو په ترڅ کې به نن د افغانستان کرکټ ملي ټيم د نامیبیا له ملي لوبډلې سره لوبه وکړي.
دا لوبه به نن د افغانستان پر وخت دوه نيمې بجې د دوبۍ په نړيوال کرکټ لوبغالي کې پېلېږي.
افغانستان د شل اورونو په دغو لوبو کې خپله لومړنۍ مسابقه له ايرلينډ څخه په پنځو ويکټو وګټله او دوهمه يې له متحده عرب اماراتو څخه په پنځو وېکېټو وګټله.
