اذربایجان ۵۴ اضافي پوځيان افغانستان ته استولي
(کابل ټکی کام ۱۳۹۶وری ۲۴) الماس خدرخېل
د افغانستان د دفاع وزارت وايي، افغانستان ته يې ۵۴ اضافي پوځيان استولي دي.
د اذربايجان رسنيو د راپور له مخې، دغه سرتيري د چهارشنبې په ورځ افغانستان ته رسېدلي دي.
یادو سرچينو ويلي، د اذربایجان تازه دمي پوځيان به په افغانستان کې د پريکنده ملاتړ ماموريت په چوکاټ کې خپل فعاليت پر مخ وړي.
د اذربايجان سوله ساتي ځواکونه د لومړي ځل لپاره د ۲۰۰۲ زيږديز کال د نومبر مياشتې په ۲۰ نيټه د ايساف ځواکونو په چوکاټ کې افغانستان ته استول شوي وو .
د دغه هېواد دفاع وزارت د روان کال په لومړۍ مياشت کې اعلان وکړ، چې افغانستان ته يې ۴۱ اضافي پوځيان لېږلي دي.
اذربایجان په افغانستان کې ۱۳۱ پوځيان لرل، چې د نويو پوځيانو په راتللو سره يې شميره ۱۸۵ ته ورسېدله.
