بهسودو کې امریکایي ټانګ ويجاړ ۵ تنه امریکایي عسکر مړه او ټپیان دي
(کابل ټکی کام ۸ غبرګولی ۱۳۹۶) محمدحارث
د ننګرهار ولایت نه خپاره شوي راپورونه وایي چې د همدې ولایت په بهسودو ولسوالۍ کې د امریکایي عسکرو په کاروان د وسله والو طالبانو د ښخ شوي ماین پر مټ قوي چاودنه ترسره شوې.
یاده چاودنه نن ماسپښين شاوخوا ۲ بجې دیادې ولسوالۍ اړوند ۱۱ نمبرویالې سیمه کې هغه مهال رامنځته شوه، کله چې یاد کاروان له سیمي څخه د تېرېدو په حال کې وو.
راپورونه همدا راز زیاته وي چې په دغه چاودنه کې ۱ عراده ټانګ په ټولیزه توګه ویجاړشوی. چې له امله یې ۲ تنه امریکایي عسکر وژل شوي، ۳ نور امریکایي عسکر مرګوني ټپيان شوي دي. طالب وسله والو د یادې چاودنې مسؤلیت منلی.
لا تر دې دمه د بهرنیو ځواکونو د غوڅ ملاتړ د دغې پېښې په اړه څه نه دي ویلي، هېره دې نه وي چې امریکایي ځواکونه تل د خپلو مړو او ټپیانو خبرونه تر ډېره پټ ساتي.
