(کابل ټکی کام ۱۳۹۶غبرګولی ۲۳) الماس خدرخېل
د راپورونو له مخې د جرمني د مونيخ ښار د ريل ګاډي پوه تم ځای کې د ډزو له امله ګڼ کسان ټپيان شوي دي.
د ډزو په سيمه کې کلک امنيتي تدابير نيول شوي او یاده سيمه د پوليسو له لوري کلابنده شوې ده.
ويل کېږي، ډزې کوونکی کس د پوليسو له لوري محاصره دی.
تر اوسه پوليسو د نوموړي شخص په اړه معلومات نه دي وکړي.
پوليس وايي، ګمان نه کوي چې دا بريد دې يو ترهګريز بريد وي.
ځينو خبري سرچينو ويلي، د بريدګر سره د ډزو په تبادله کې يوه ښځينه پوليسه هم ټپي شوې ده.
تر اوسه د برید انګيزه نه ده معلومه او چا يې مسئوليت هم نه دی منلی.
