سوریه: خونړۍ چاودنې لسګونو تنو مرګ ژوبله واړوله
د سوریې دامنیتي چارواکو له قوله ویل شوي دي چې د موټر بم چاودنه د پلازمینې دمشق اړوند دباب توما په ښار کې شویده.
د راپورونو په اساس په یاده موټر بم په چاودنه کې ٢٠ تنه وژل شوي او لسګونه نور ټپیان دي.
د امنیتي چارواکو په وینا چې له چاودنې وروسته یې دوه نور موټر بمونه روغ رمټ لاس ته ورغلي چې په وینا یې بریدګرو غوښتل ترڅو ۳ پرلپسې سترې چاودنې وکړي.
چاودنه په داسې حال کې شوې ده چې د سوریې خلک تازه په تازه د اختر له رخصتیو د خپلو کاروبارونو په لور راوتلي .
د یادونې وړ ده چې په دمشق کې د مارچ په میاشتې کې هم دوه خونړۍ چاودنې شوې وې چې لسګونه تنه یې ووژل دهغو حملو مسؤلیت داعش ډلې منلی ؤ.
د دې برید مسؤلیت تر اوسه کومې وسلوالې ډلې په غاړه نده اخیستی خو ښایی دا برید هم داعشي ملیشو چې په سیمه کې نفوذ لري کړی وي
