په پلازمینې کابل ښار کې د رستاخیز ډلې لخوا د بیا ځل لپاره د سترو لاریونونو ترتیبات نیول شوي.
سلګونه خلک چې اکثریت یې د جنبش روشنایی ډلې پورې تړاو لري د کابل ښار په واټونو کې دحکومت پرضد شعارونه ورکوي.
ویل کیږي د دې لاریونونو رهبري هم د حکومت دمخالفې ډلې عطانور، دوستم، مسعود، او پدرام په لاس کې ده
د تظاهراتو په اړه د کابل ګارنیزیون قومانداني وایي، د تظاهراتو د قانون پر بنسټ، سولییز لاریون، اعتصابونه، او اعتراضي غونډې د خلکو حق دي.
د کابل ګارنیزیون له خوا په خپرې شوې خبرپاڼې کې له لاریونوالو غوښتل شوي چې سوداګریزو مارکیټونو، جوماتونو او نورو عام المنفعه ځایونو ته زیان ونه رسوي او په سولییزه توګه خپل لاریون وکړي.
د کابل ښار په بیلابیلو ځایونو کې ټانګونه ودرول شوي او د موانعو په توسط د خلکو په مخ لویي لارې بندې شوې دي.
د راپورونو په اساس د یادو مظاهرو ورځنی لګښت د ځینې اروپایی هیوادونو او ایران لخوا ورکول کیږي
د یادونې وړ ده چې لاریونونه د روژې په میاشت کې د کابل ښار د یوې خونړۍ چاودنې وروسته پیل شول او لاریوانوالو د حکومت د سقوط غوښتنه کوله.
داپداسې حال کې ده چې عطانور حکومت ته خبرداری ورکړی ؤ چې له اختر وروسته به د حکومت پرضد پراخ لاریونونه را وباسي.
