پاکستان: د سترې محکمې په امر نواز شریف له دندې ګوښه شو
پاکستان: د سترې محکمې په امر نواز شریف له دندې ګوښه شو
وروسته له هغه چې د پاکستاني صدراعظم نوازشریف پرضد دفساد د یو لړ دوسیې رابرسیره شوې ستر محکمې د نوموړي د قضیې د څیړلو امر وکړ.
د پاکستان سترې محکمې د پانامه په دوسيه کې لومړی وزیر نوازشریف، له دندې ګوښه او بې صلاحیته کړی دی
نواز شریف تورن وو چې له هیواد څخه بهر، د خپلو شتمنیو په اړه یې ناسم معلومات ورکړي.ؤ
د محکمې یوتن قاضي اجازافضل خان په دې اړه رسنیو ته وویل چې «هغه نور د دې شرایط نه پوره کوي چې د پارلمان د یوه صادقه غړي په توګه پاته شي هغه به د لومړي وزیر دنده هم پریږدي.»
د پاکستان سترې محکمې د جمعې په ورځ لومړی وزیر نوازشریف له دې کبله بې صلاحیته کړ چې هغه له هیواد څخه بهر د خپلو شتمنیو په اړه ناسم معلومات ورکړي.
ځینې سرچینې وایي چې ښایي تر دې وروسته د شریف د کورنۍ په اړه هم جرمي څیړنې پیل شي.
د یادونې وړ ده چې د اپریل په میاشت کې د سترې محکمې د څیړونکو یوې ډلي، په لندن او نورو ځایونو کې د نواز شریف د کورنۍ د شتمنیو په اړه څیړنې وکړې. د دغه شتمنیو په اړه معلومات تیرکال د «پاناما بربنډونو» په ترڅ کې خپاره شوي ول.
د محکمې یادې ډلې له نوازشریف، د هغه له دوو زامنو، یوې لور او د کورنۍ له نورو غړو څخه په جلا جلا توګه تحقیقات کړي دي.
باید وویل شي چې شریف د پاکستاني صدراعظم په حیث څلورځله واکمني کړې ده چې بالاخره په یوه لانجمنه دوسیه کې ګیر او له دندې وشړل شو
