تخار: درقد کې طالب چارواکو د یوې پوستې د نيولو خبر ورکړی
کابل ټکی کام ( هفته، لړم ۳۰مه، ۱۳۹۴ ل)
د طالبانو په رسمي ويب پاڼې الاماره کې په یوې خبري اعلاميې کې راغلي دي چې د دوي ځواکونو د تخار ولایت درقد ولسوالۍ کې یوه پوسته نيولې، ۲اربيکان وژل شوي، ۱ټانګ،۱رینجرموټر يي غنيمت کړي او ددې ترڅنګ لویه پیمانه وسلې او مهمات يي هم لاس ته ورغلي دي .
د طالبانو له قوله تیره شپه شاوخوا ۱۱ بجې د یاد ولایت درقد او خواجه بهاء الدین ولسوالیو تر مینځ د القناق په سیمه کې د سيميزو پولیسو په یوه امنیتي پوسته د دوي ځواکونو بريدونه ترسره کړل .
د خبر له مخې بریدونو د سهار تر۴ بجو پورې روان وه چې په نتيجه کې يي یاده پوسته په ټولیزه توګه د طالبانو لاس ته ورغله، د دوه تنو اربکيانو په وژلو سره نورو عسکرو د تېښتې لاره غوره کړه او سيمه يي طالبانږو ته پرېښودله .
دغه راز طالبانو ويلي دي چې ۱ټانګ،۱رینجر،دوه موټرسائکلانو تر څنګ ۵ ميله سپکه او درنه وسله يي هم نيولې .
امنيتي چارواکو په دې اړه څه نه دي ويلي خو طالبانو د خپل یوه ملګري د شهادت خبر هم ورکړی .
سليم بریال
