(کابل ټکی کام ۱۳۹۶ وږی ۲۲ فرید افغان)
د امریکا ایفل کمپنۍ بالاخره له اوږد انتظار وروسته خپل نوي تولیدات نندارې ته وړاندې کړل چې درۍ ځیرک تلیفونونه او یو ځیرک ساعت پکې شامل و.
ایفل کمپنۍ تیره ورځ لمړی د خپلې لسمې کلیزې په مناسبت
د ایفون ۱۰ ځانګړتیاوې په ډاګه کړې چې په خبره یې لا یې قیمت ندی ورته ټاکلی او لا هم بازار ته ندی راوتلی.
د دغه نوی ماډل موبایل سکرین د نورو په خلاف هیڅ دوکمه یا تڼۍ نلري او کاروونکی یې دڅنګ په تڼۍ له روښانه کولو وروسته یواځې د ښیښې کارولو ته اړتیا لري.
ځانګړتیا یې داده چې دا ځیرک موبایل به د کاروونکي په انځور لیدلو سره خپل قلف خلاصوي
د شرکت په وینا نوی ماډل به د ۳۰ زره انفرا ریډ وړانګو په وسیله د څښتن څېره پېژني، پېژندګلوي به یې ثبت کوي او قلف به ورته پرانیزي.
دې شرکت ویلي چې د څېرې پېژندنې نوې وړتیا به د شپې په تیاره کې هم د انفراریډ وړانګو له لارې کار ورکوي.
اټکل کیږي چې د دې ډول موبایلونو بیه تر ۱۰۰۰ دالرو پورې وي.
همداراز یادې کمپنۍ د آیفون ۸ او آیفون اته پلس په نامه دوه نور ځیرک موبایل هم وړاندې کړي.
شرکت ویلي چې د دې ډول موبایلونو بیې به یې له ۷۰۰ څخه تر اته سوه دالرو پورې وي.
ایفون اته د پیاوړې کمرې، شیشه یي وجود، پیاوړي ویندوی او چټک سسټم سره یوه ځانګړنه دا هم لري، چې بې سیمه چارج کېدای شي.
همداراز یاد شرکت د موبایلونو تر څنګ ځیرک ساعتونه هم نندارې ته وړاندې کړل چې بیه یې ۴سوه دالر ښوودلې ده او ښایي ۱۰ ورځې وروسته بازار ته وړاندې شي.
د یادو ساعتونو ځانګړنه داده چې له انترنت سره وصل کیږي او د خپل ایفون موبایل سره د وصلولو پرمهال د موبایل په نشتون کې هم ترې صوتي پروګرامونه اوریدلی شئ.
همداراز د ورزش پرمهال د زړه د ټکان د معلومولو خصوصیت هم لري چې ټکانونه یې په خاموش ډول زیاتوالی کوي او له دې سره د زړه د ناروغیو له درلودلو مو هم خبروي
