يوه مسلمانه مېرمن د سينګاپور ولسمشره وټاکل شوه
(کابل ټکی کام ۱۳۹۶وږی ۲۲): د رويټرز اژانس د راپور له مخې نن چهارشنبه د لومړي ځل لپاره يوه مسلمانه مېرمن حليمه يعقوب د سينګاپور ولسمشره وټاکل شوه.
حليمه يعقوب له ۲۰۱۳څخه تر ۲۰۱۷م کال پورې د نوموړي هېواد د پارلمان د مشرې په توګه دنده کوله.
د معلوماتو له مخې په تېرو ۴۷ کلونو کې دا لومړی ځل دی چې په سينګاپور کې يوه مسلمانه مېرمن د ولسمشرۍ څوکۍ ته انتخابېږي.
حليمه یعقوب نن په رسمي توګه په سينګاپور کې د ولسمشرۍ په توګه اعلان شوه.
