(کابل ټکی کام ۱۳۹۶ وږی ۳۱ فرید افغان)
تیره ورځ جمهور رئیس غني د خپلو لیدنو په تسلسل کې د امریکایي ولسمشر او د هغو امریکایانو سره چې افغانستان کې یې د طالبانو پر وړاندې جګړه کړې په جلا جلا توګه وکتل.
اشرف غني له ټرمپ سره په خبرو کې وویل ستاسو کلک عزم چې د جګړې په لاتداوم مو ټینګار وکړ دستایلو دی او ‹‹ ورته سلام کوم››
نوموړي زیاته کړه چې د امریکایانو د احساناتو پوروړی دی او هیڅکله به هم د هغوی مرستې او لاسنیوی هیر نکړي.
ټرمپ هم له غني مننه وکړه او د طالبانو پر وړاندې د نوموړي د ادارې مبارزه یې وستایله او زیاته یې کړه چې د ګډحکومت په مشرۍ د افغانستان نوې اداره په ریښتیني توګه د نړیوال امنیت لپاره کار کوي او په ټولییز ډول یې زموږ غوښتنو ته مثبت ځواب ویلی دی.
بلخوا اشرف غني د هغو عسکرو سره هم وکتل چې په افغانستان کې یې دندې اجرا کړې دي په واشنګټن کې د امریکا سفیر حمدالله محب جمهور رئیس ته د دغو امریکایانو په اړه د معلوماتو ورکولو پرمهال وویل، تقریباً یو میلیون امریکایانو په بېلابېلو برخو کې په افغانستان کې دندې ترسره کړي دي ››
اشرف غني وویل: چې د دوی او امریکایانو هدف یو دی او هغه هم د نړیوال امنیت راوستل او د جهادي ډلو له منځه وړل دي.
نوموړي زیاته کړه له دغو امریکایانو او د دوی له کورنیو څخه په افغانستان کې د دندې او خدمت ترسره کولو له امله مننه کوي او په وینا یې چې زموږ او د امریکایي سرتېرو د قربانیو له برکته به طالب وسلوال او نورې جهادي ډلې له منځه ځي او افغانستان به تلپاتې سولې او ثبات ته رسېږي.
غني وویل؛ زموږ او د امریکا سرتېري د افغانستان، سیمې او نړۍ د ثبات لپاره په مېړانه مبارزه کوي.
د شنونکو په آند غني په هره وینا کې د افغانستان پرځای د نړیوال امنیت یادونه کوي چې څرګندوي نوموړی د پردیو د اهدافو لپاره افغان ځواکونه قربانوي.
