امریکا په پام کې لري چې تر ۲ زرو ډیر پراشوتي ځواکونه افغانستان ته ولیږي:

(کابل ټکی کام ۱۳۹۶ تله ۲ فرید افغان)

د ټسک اڼډپرس نشریې خبر ورکړی چې امریکایي چارواکي په پام کې لري چې افغانستان ته ۲۲۰۰ اضافي پراشوتي ځواکونه ولیږي.
یادې نشریې د پنټاګون دچارواکو له قوله خبر ورکړی چې دا عسکر به د امریکا کارولینا آیالت اړوند د فورت برګ نظامي اډې څخه واستوي.

نشریه زیاتوي چې یاد ځواکونه به د ترامپ د نوې پالیسي ترمخه د روانې میاشتې په اوږدو کې افغانستان ته ورسیږي.

د نشریې په باور دا ځواکونه به له رسیدو سره سم په افغانستان کې میشتو زرګونو امریکایي عسکرو سره یوځای شي، چې له هغه وروسته به د هلمند او کندهار په ګډون په هیواد کې د امریکایانو نورو نظامي اډو ته وویشل شي.
که دا شمیر ځواکونه افغانستان ولیږدول شي نو د په هیواد کې د میشتو امریکایانو شمیر به له ۱۹ زرو واوړي .
امریکا د نوې پالیسي تر مخه هڅه کوي تر څو دځمکنیو عملیاتو پخاطر په افغان ځواکونو پانګونه زیاته کړي او وار دمخه یې د زرګونو هاموي ټانګونو په ګډون د یو شمیر وسایلو د ورکړې ژمنه کړې ده.
همداراز امریکا پلان لري چې خپل ټول ځواک په هوایي بریدونو واچوي چې ښایي په لنډ راتلونکي کې د B۵۲ ډوله په ګډون یو لړ بم غورځوونکې لویې الوتکې افغانستان ته واستوي.
د چارو امریکایي او افغان څارونکي وایي چې امریکا د وروستي ځل لپاره د خپل ټول جګړییز توان څخه کار اخلي او هڅه کوي تر څو خپلوموخو ته له هر ممکنه لارې ځان ورسوي.
شنونکي پدې آند دي چې امریکا په نوې پالیسي کې د سولې په نوم کوم فورمول نلري او ښایي د بریدونو زیاتوالی افغان ولس یوځل بیا لوی ولسي پاڅون ته اړ باسي چې له کبله به یې هم امریکا او هم افغان ولس ستر زیانونه وویني.