هغه کس خوشی شو چې حکمتیار يې په بوټ ویشتی وه
(کابل ټکی کام ۱۳۹۶تله ۴):د هرات د والي ویاند جیلاني فرهاد بی بی سي ته ویلي هغه کس خوشی شوی چې تېرې جمعې په ورځ يې په هرات ولایت کې د حزب اسلامي پر مشر ګلبدین حکمتیار د بوټ ګزار کړی وه.
عبدالواحد دادشاني د تېرې جمعې په ورځ د ملي امنيت له لورې نیول شوی وه ،دهرات د والي ویاند وايي دادشاني د پوښتنو او څيړنو په موخه د ملي امنيت په زندان کې ساتل کیده.
تېره اونۍ د حزب اسلامي مشر د ولایتي سفر په موخه هرات ته تللی وه خو د جمعې په ورځ يې د هرات په جامع جومات کې خطبه کوله چې يو ځوان له لورې په حکمتیار د بوټ ګزار وشو، د ګزار څخه وروسته خلکو داسې ګومان کوه چې یاد ځوان سرتېرې بریدګر ده نو دځان ساتنې په موخه خلک له جومات څخه په چټکی بیرون ووتل.
نن د عبدالواحد دادشاني د خلاصیدو څخه څو ساعته وړاندې ځينو مدني فعالانو د دادشاني په پلوي مظاهرې هم کړي.
