ډاکټر عبدالهادي “حماس”
ډېرو پخوانيو يوناني طب پوهانو دا خبره کړې وه چې ږيره لاندې ګټې لري :
١: د سړيو لپاره يو ستر زينت او ښکلا ده ! په دې معنا چې که يو انسان ږيره پرېږدي, ښکلا يې څو برابره زياتيږي . ځکه چې دغه د ږيرې ښکلا هغه مهال سړي ته جوتيږي چې کله يو سړی کوڅا (هغه چې په مخ وېښتان نه لري) وويني نو ليدونکي ته به جوته شي چې ږيره د نارينه لۀ پاره څومره ښکلا ده ؟
٢: د ږيرې په پرېښودو سره د انسان وقار او عزت نور هم لوړيږي او درندښت يې زياتيږي.
٣: د ږيرې په پرېښودو سره د مخ داغونه ، دانې ، زخې ، د زخمونو پاتې شوني دا ټول پټيږي.
٤: اوس ، اوس ثابته شوې ده چې ږيره د غاړې ، سينې او د مخ د هډوکو ساتنه کوي . په بله معناهغه ضربه چې د بې ږيرې سړي ژامه ماتوي د هغې ضربې دوه چنده هم د ږيرې لرونکي سړي ژامه نۀ شي ماتولی.
٥: د ږيرې پرېښودل د سړي د سترګو د ليدو قوه زياتوي او د وخت پۀ تېرېدو سره يې د نظر له کموالي څخه ژغوري .
٦: ږيره هغه وسيله ده چې د ګرد او مکروبونو، ډېری هغه برخه چې په خوله او پزه ننوځي ځان ته کش کوي او انسان له بيلابېلو حساسيتي او مکروبي ناروغيو څخه ژغوري .
٧: ثابته او کره شوې ده چې د ږيرې پرېښودل د منيو پۀ تقويه کې رول لري او جنسي قوت زياتوي که ږيره له يو موټي څخه نوره هم اوږده شي نو جنسي خواهش او قوت دوه برابره کوي ځکه خو د فرعون په څېر پخوانيو کفارو ددې له پاره ږيره پرېښودله چې جنسي قوت يې زيات شي .
٨: هغه خلک چې ږيره لري په بشپړ ډول د نارينه وو ځانګړتياوې لري .
٩: د ږيرې پتری هغه وسيله ده چې د ږيرې پۀ خريلو سره بيلا بېلې خطرناکې ناروغۍ د يوه نه بل ته لېږدوي هغه چې ږيره نه خريي د دغو ناروغيو څخه په امان کيدای شي .
مونږ يوه دوکلنه څېړنه وکړه دغه څېړنه پۀ نږدې ١٦٨٠ وګړو تر سره شوه دوی هغه څوک وو چې ږيره يې درلوده دوی نسبت هغو ١٦٨٠ وګړو ته چې ږيره يې نه درلوده سالم او قوي غاښونه يې درلودل دغې څېړنې څرګنده کړه چې ږيره د غاښونو اروا زياتوي او په دې وسيله غاښو ته پر خپل وخت غذايي توکي او اکسيجن رسيږي ځکه خو قوي روغمن وي .
له بلې خوا ډېره يخني هم کولی شي چې رګونه تنګ کړي او اړونده ځای ته يې د وينې جريان کم کړي نو په سخته يخنۍ کې هم ږېره هغه وسيله ده چې ژامه ګرمه ساتي او د غاښونو رګونه د يخنۍ وهنې څخه ژغوري .
که د اوږدې ږيرې سړی مخامخ په تېره څيز ولګيږي غاړې او د غاړې رګو ته يې په اسانۍ زيان نه رسيږي .
