زما مينه له منصور صاحب سره د الله لپاره ده!
کابل ټکی کام ۰۵لېندۍ/۱۳۹۴، لیکنه: بدرالافکار
د يو مسلمان مينه له بل مسلمان سره خورا ارزښتمنه ده ، خو هغه مهال چې دغه مينه د الله د رضا لپاره وي ، د دغې مينې اظهار هم ثواب لري ، دغه اظهار بايد د مدني جانان په مسنونه کلماتو وي :
اني احبک فی الله !
منصور صاحب ! ته زما مسلمان ورور يې ، ته زما امير يې ، زه تاته له تاسره د خپل محبت اظهار کوم : اني احبک فی الله !
بله کومه ذريعه نلرم چې تاته پرې ورسيږم
تاته مخامخ ووايم
د هوا څپې مې پيدا کړې چې د انسانانو تر منځ پيغامونه رسوي !
له چاپلوسي نه درته وايم
کومه مادي طمعه نه درته لرم
د الله لپاره وايم
الله په زړونو ګواه دی
زموږ د نوي اميرالمؤمنين رقيبانو !
په الله سوګند زه رښتيا وايم
ستاسې ځورول مې هدف ندي
دا چې تاسې زما په خبرو ځوريږی ، زما ګناه نده
ما مه ملامتوئ
زه نه د منصور صاحب د قوم يم
نه يې د سمت
او نه يې د کلي
خو ماته منصور ريښتونی منصور ښکاري
منصور صاحب زما آرمان د بري په لور تر دې پړاوه را بدرګه کړ
د ارتقاء تر مدارجو يې خيږولی
زما له آرمان سره يې وفا کړې
زما آرمان يوازې زما آرمان ندی
زما آرمان د مليونونو شهيدانو
مليونونو معيوبينو
مليونونو بورو ، کونډو ، ورارو
او مليونونو يتيمانو آرمان دی
زما آرمان د هغو لکونو طالبانو آرمان دی چې کتابونه يې قات
حجرې يې بندې
او په تش لاس يې له ظالم او کافر سره د معرکې ډګر ته دانګلي
زما آرمان د کيوبا او باګرام په قفسونو
د څرخي پله په زندان او د نړۍ په لر او بر کې د نورو زندانونو د مظلومو زندانيانو آه ده !
منصور صاحب تير شپږ کاله زموږ مسلمانانو د ګډ کور څوکيداري وکړه
زموږ حصار يې پياوړی وساته
زموږ کلا يې غليم ته پرينښودله
زموږ کور
زموږ حصار
زموږ کلا
زموږ امارت اسلامي افغانستان
منصور صاحب د نړۍ سترو شيطانانو ته ټکان ورکړ
داسې ټکان چې د شرابو پيالې يې د کړنګولو پر ځای په ځمکه ترې وغورځولې
دا ټکان د مرحوم اميرالمؤمنين د وفات د خبر د پټ ساتلو له امله ؤ
دا ټکان په ځان باندې د امارت د خورو ورو لښکرو د راټولولو له امله ؤ
دا ټکان د سترو سوبو او سترو برياؤ د ګټلو لپاره ؤ
زموږ ګران اميره !
زموږ د ګران امير سرسپارليو سپاهيانو !
د چا په ښکنځلو
د چا په بد ويلو مه پريشانه کيږئ
څومره چې د مکې د مشرکينو ژبې اوږدېدلې
هومره د رسول الله صلی الله عليه وسلم پلويان زياتيدل
له هر چاسره به تلوسه وه چې د رسول الله صلی الله عليه وسلم په اړه معلومات وکړي او يا يې په ملاقات مشرف شي
الله جل جلاله مؤمنان په خپل حال نه پريږدي
په مؤمنانو امتحانونه د دې لپاره وي چې خبيثان له طیبانو جلا شي
ان شاءالله د نفاق دا اوږدې ژبې به لار ورکو ته د غاړې طوق وګرځي.
له ګردنونو نه به يې د مار په څېر را تاو شي
او د مرګ وروستی ټک به ورکوي
يا به يې د رسوایی تر سجينه رسوي
ان شاءالله
