روزګان کې چاودنه کې اووه ماشومان ټپيان شوي
(کابل ټکی کام، ۱۳۹۶، ليندۍ ۸) د روزګان ولايت په چوره ولسوالۍ کې د يوې چاودنې له کبله اووه ماشومان ټپيان شوي دي.
د ټپي شويو ماشومانو خپلوان وايي، دغو ماشومانو په سيمه کې د هاوان زړه مرمۍ پيدا کړې وه او لوبې يې پرې کولې، چې پرمهال يې چاودلې او هغوی يې ټپيان کړي دي.
د روزګان د ولايتي شوار غړي حيات الله فضلي ويلي، په دغه چاودنه کې اووه ماشومان ټپيان شوي دي.
د ترينکوټ د ولايتي روغتون مسئولين وايي، د پېښې له ځای څخه دوه ټپي ماشومان ورړول شوي، چې روغتيايي وضعيت يې ښه نه دی.
