له جهاد نه منحرف پاټکیان او د امریکا ناسکه غلامان نور د تحقیر او توهین او بالآخره د پو پناه کیدو پر لور

ډاکټر آصف
تیره ورځ له جهاد نه منحرفو او پخوانیو پاټکیانو او د امریکا اوسنیو ناسکه غلامانو (چې کله یې جیبونو ته امریکایی ډالر رسیږي نو هم یې امریکا ښه ادې ده او هم یې کرزی ښه پلار دی او هم یې اشرف غني ښه پلندر دی او هم یې ټرمپ ښه نیکه دی، خو که جیبونو ته یې د ډالرو ورتلل ځنډ او بند شي نو بیا امریکا نفاق اچوونکې کرزی غلام او اشرف غني د دیکتاتور دی) غوښتل په لوی کندهار کې د اشرف غني پر ضد غونډه وکړي.
دا هغه شرمیدلي او رسوا شوي کرکټرونه دي چې د امریکا په راتګ سره یې د امریکا ناسکه غلامۍ ته سینې ډبولي او په دې لار کې یې د خپلو مظلومو هیوادوالو وینې ځبیښلي، په سلهاو زره انسانان یې وژلي، میرمنې یې کونډې کړي، میندې یې بورې کړي او په سلګونو زره تنکي ماشومان یې بې پلاره او بې موره کړي چې نن در په در او خاورې په سر په خیټّ وږي او په تن لوڅ ګرځي، دوی د دې جنایتکارانه کړونو په مقابله کې د امریکا په ډالرو نازیدلي، بلډنګونه یې جوړ کړي، د ورستي ماډل موټرو څښتنان شوي، قدرت یې غصب کړی، د افغانستان لویشت لویشت ځمکه یې د ښارګوټو په نوم ټوټه ټوټه کړې او پر مظلومو هیوادوالو یې بیرته په لوړه بیه پلورلې، خو لا هم د هیوادوالو په وینو ماړه نه دي، نور هم وږي دي او هم تږي دي، او نږدې ده چې نور یو پر بل خولې خښې کړي او یو بل له ستونکي تیر کړي.
د افغانستان مظلوم هیوادوال دا هر څه د سر په سترګو ویني په خپلو غوږو یې اوري خو د یوه اکثریت خاموش ملت په حیث یې تر اوسه له خولې د پاڅون اسرافیلي شپیلۍ نده غږولې.
دغه له جهاد نه منحرف پاټکیان دې په دې وپوهیږي چې امریکا د خپلو سکه غلامانو په واسطه تاسې رام مهار کړئ او بالآخره تاسې یې د ناسکه غلامانو په حیث ومنلئ او برسیره پر دې یې ستاسې د منحوسو لاسونو په وسیله د الله پر ځمکه د الله نظام رانسکور کړ، تاسې فکر کاوه چې ګوندې د اسلام د خرڅولو په مقابل کې به تاسې ته امریکا په افغانستان کې جنت جوړ کړي، خو نه هیڅکله داسې نه ده، اوس ستاسې نوبت رارسیدلی، امریکا اوس ستاسې د ټکولو او پوپناه کولو ته مټې رابډ وهلي، دوستم ې درته پر ایشچي واچاوه، د دوستم الوتکه يې درته په هیوایی ډګر کې کوزیدو ته پرینښوده معلم عطا یې درته له هوايي ډګر نه په سپکاوي وویست، او نن یې یو ځل بیا په الوتکه کې له یونیم ساعت نظر بند کولو وروسته په حقیرانه توګه له الوتکې بیرته راکوز کړ، معلم عطا یې پر دې وپوهاوه چې رښتیا هم د پیپسی له قطۍ سره پوره شباهت لري، محقق یې درته تیره ورځ د رسنیو بیزو وګرځاوه، تو لعنت شه ستاسې پر کرغیړنو څیرو، ظاهر قدیر یې درته له ارګ په پوره سپکاوی وویست، د حکمتیار د رهبرۍ مخ يې درته په مردارو بوټانو تور کړ، د احمدشاه مسعود ورور احمد ضیاء مسعود یې درته په یوه خیالي څوکۍ تیرویست او بالآخره لږه موده وروسته یې بیرته په ډیره بې شرمانه توګه له خیالي کرسۍ راګوزار کړ همداسې به ډیر زر د سیاف د شرم او حقارت نوبت هم راورسیږي.
تاسې کرغیړنو کرکټرونو چې د کله نه د جهاد او اسلام لمن پریښوده او د خپلو مسلمانو وروڼو لاس نیوی مو پریښود، خپل اصلي دښمن ته سلامي شوئ او خپل مسلمان ورور ته مو ځان دښمن کړ او د خپلو وسلو شپیلۍ مو د امریکا پر ځای د خپلو په اسلام مینو ورڼو پر مخ وراړولې، نو نن چې خپل بادار امریکا او د امریکا سکه غلامانو په دومره اندازه سپک کړئ څه فکر کوئ چې د قهار خدای تعالې له قهر او غضب نه به څنګه خلاص شئ او هغه شرم به مو څومره وي.