نيکتائي تړلو په حال کې د لمانځه کولو حکم
پوښتنه : چې نيکتائي پر غاړه تړل شوې وي په داسې حال کې لمونځ کول روا دي او که نه؟ همدا ډول لوڅ سر او په پتلون کې د لمانځه کولو حکم څه دى؟.
ځواب : د نيکتائي په تړلو سره د يهودو او نصاري ؤ د صليب نظريه عملي تاييد کيژي او کراهيت يې په يقيني ډول ثابت دى، د سستيا له امله لوڅ سر لمونځ کول مکروه دي، آيا دا له خداوندي آدابو څخه خلاف نه دي؟ کوم وخت چې بله جامه نه وي نو په پتلون کې لمونځ کول روا دي ([1]).
د قرائت د څو احکامو بيان
د قرائت فرضيت
پوښتنه : د څلور رکعتيز لمانځه په لومړنيو دوو رکعتونو کې قرائت کول واجب دي، په ما لابد منه کې دا د لمانځه په واجباتو کې شمار کړى شوى دى، آيا دا د لمانځه په واجباتو کې دى؟.
ځواب : د څلور رکعتيز لمانځه په لومړنيو دوو رکعتونو کې د سورت يو ځاى کول واجب دي ([2])
د منفرد لپاره په زوره قرائت کول واجب دي که نه
پوښتنه : د سهار، ماښام او ماسخوتن په لمانځه کې منفرد لره په زوره قرئت کول واجب دي که نه؟
ځواب : واجب نه دي، مګر په زوره وئيل يې غوره دي ([3]).
په لمانځه کې څومره قرائت واجب دى
پوښتنه : په لمانځه کې د سورت يو ځاى کول واجب دي، پوښتنه دا ده چې څومره يو ځاى کول واجب دي؟ آيا د دريو کوچنيو آيتونو يو ځاى کول واجب دي يا که يو لوى آيت هم کافي دى؟ او يو لوى آيت کوم ته ويل کيژي؟ او په يوه لوى آيت کې څومره الفاظ پکار دي د کومو له امله چې هغه ته لوى آيت ويل کيدلاى شي؟.
ځواب : که يو سورت يو ځاى شي يا درى کوچني آيتونه يو ځاى شي چې مجموعه درى آيتونه به کم له کمه ديرش حروف وي، لکه په (ثم نظر، ثم عبس وبسر، ثم ادبر واستکبر) يا يو لوى آيت يو ځاى شي لکه (آيت الکرسي) يا آيت (المداينه) که چيرته دومره اندازه وويل شي چې ديرش حروف شي نو هم کفايت کوي ([4]).
په قضائي لمنځونو کې د قرائت حکم
پوښتنه : که د لمنځونو قضايي را ګرځوي بيا به يې څنګه کوي؟
ځواب : په قضايي لمنځونو کې امام لره په زوره قرئت ويل پکار دي او منفرد لره اختيار دی که يې په زوره وايي که په کرار ([5]).
په لمانځه کې د قرائت اندازه
پوښتنه : په لمانځه کې څومره اندازه قرائت فرض؟ څومره واجب او څومره سنت دى؟.
ځواب : د يوه آيت په اندازه فرض دى، الحمد او بل کوم سورت يا درى آيتونه يا يو لوى آيت واجب دى، په حضر کې د مفصلات ويل سنت دي، يعنې په سهار او ماسپښين کې له سورت (حجرات) نه تر اخيره د سورت (بروج) پورې کوم سورت او په مازديګر او ماسخوتن کې له دې وروسته تر (لم يکن) پورې او په ماښام کې له دې وروسته د قرآن مجيد تر ختميدو پورې، له دې پرته هم کله کله د ځانګړيو سورتونو ويل ثابت دي، مګر د مقتديانو حال او د وخت رعايت کول لازم دي ([6]).
په فرض لمنځونو کې څومره اندازه قرآئت سنت دى
پوښتنه : په فرض لمنځونو کې څومره قرئت سنت دی؟
ځواب : د سفر په حالت کې تاسو لره اختيار دی چې له سورة فاتحة څخه وروسته کوم سورت لولی، خو د اقامت په صورت کې قرئت لره يو خاص مقدار شته دی ([7]).
د دريو آيتونو اندازه
پوښتنه : امام صاحب د تراويح لمانځه په لومړي رکعت کې له سورت فاتحه وروسته (خلق الانسان من صلصال کالفخار، وخلق الجان من مارج من نار، فباى آلآء ربکما تکذبان) او په دويم رکعت کې له سورت فاتحه وروسته (رب المشرقين ورب المغربين، فباى آلآء ربکما تکذبان) وويل او لمونح ئې پوره کړ، د دې لمانځه حکم څه دى؟.
ځواب : د هغه لمونځ فاسد نه دى، بلکه صحي دى ([8]).
د اقامت په حال کې د سنت قرائت اندازه
پوښتنه : د اقامت په حالت کې د مسنون قرئت مقدار څه دی؟
ځواب : د اقامت په حالت کې د سهار او ماسپښين په لمنځونو کې د طوال مفصل وئيل، د مازديګر او ماسخوتن په لمنځونو کې د اوساط مفصل وئيل او د ماښام په لمانځه کې د قصار مفصل وئيل مسنون دي ([9]).
([2]) فتاوى محموديه، ٧ : ٢ : ٢٩، بحواله : مراقي الفلاح شرح نور الايضاح، ص : ٢٤٨، فصل في واجبات الصلوة، الهداية، ج : ١، ص : ١١١، باب صفة الصلوة.
([3] ) تعليم الاسلام، څلورمه برخه : ٢٥.
([4]) فتاوى محموديه، ٧ : ٣٠، بحواله : ردالمحتار، باب صفة الصلوة، ولها واجبات، ج : ١، ص : ٤٥٨ – ٤٥٩، البحر الرائق، باب صفة الصلوة، ج : ١، ص : ٥١٦ – ٥٤٧، وکذا في الفتاوى العالمګيرية، الفصل الثاني في واجبات الصلوة، ج : ١، ص : ٧١.
([5]) تعليم الاسلام، څلورمه برخه : ٢٥.
([6]) فتاوى محموديه، ٧ : ٣١، بحواله : الدرالمختار، فصل في القراءة، ج : ١، ص : ٥٣٧ – ٥٤٠، وکذا في البحر الرائق، باب صفة الصلوة، ج : ١، ص : ٥٩١ – ٥٩٣.
([7]) تعليم الاسلام، څلورمه برخه : ٢٦.
([8]) فتاوى محموديه، ٧ : ٣٢، بحواله : الدرالمختار مع ردالمحتار، باب صفة الصلوة، ج : ١، ص : ٤٥٨.
