کابل ټکی کام ۰۸لېندۍ/۱۳۹۴، قدرت الله حسین
د امريکا په کنسانس ايالت کې د هوا د خرابۍ او واورو له کبله ۴ پېښې رامنځته شوې دي، چې له امله يې لږ تر لږه ۷ تنه وژل شوي دي.
ځایي سرچينې وايي، چې لا هم د واورې توپانونه روان دي، چې له امله يې شايد حالات لا خطرناک شي.
د سرچينو په وينا بادونو، واورو او بارانونو د دې هېواد ځنې برخو کې ستر زيانونه اړولي، چې له امله يې د امريکا د متحده ايالاتو په زړه کې لږ تر لږه ۷ تنه وژل شوي دي.
په سيمه کې د هوا پېژندنې ادارې وايي، چې د حرارت درجې ډېر يخوالی، بارانون او واورې او خرابې هواګانې به په راتلونکو ورځو کې حالت نور هم ګډوډ کړي، چې شايد له امله يې مرګ ژوبله زياته شي.
