د طالبانو بريد کې د دوستم قومندان “جلیل کور” وژل شوی
(کابل ټکی کام، ۱۳۹۶، کب ۲) د جوزجان ولايت په خواجه دوکوه ولسوالۍ کې طالبانو د دوستم په يوه قومندان “جلیل کور” او د هغه په ساتونکو بريد کړ، په ترڅ کې يې نوموړی قومندان وژل شوی دی.
د دغې ولايت د امنيې قوماندان فقير محمد جوزجاني رسنيو ته ويلي، چې قومندان جلیل پرون ماذيګر د باشيکوه دښتې ته په ګزمه وتلی و خو په لاره کې د طالبانو تر کمين لاندې راغلی چې نوموړی وژل شوی او موټر يې ورته سوځولی دی.
نوموړی قومندان په جليل کور مشهور و او په خواجه دوکوه ولسوالۍ کې يې د اربکيانو مشري په غاړه لرله.
طالبانو د برید مسئوليت منلی او رسنيو ته يې په لېږلې خبرپاڼه کې ويلي، جلیل کور د دوستم د مليشو قومندان (ډیر وحشي او ظالم کس و، له ۱ تن ساتونکي سره ووژل شو).
په خبرپاڼه کې راغلي، چې د هغه موټر طالبانو سوځولی، يو ميل وسله يې ترې نيولې ده.
