غني او کرزي د کندهار پر هوایي ډګر ډله ییز سرتېری برید په سختو ټکو وغندو

کابل ټکی کام ۱۹لېندۍ/۱۳۹۴، احمدالله مهاجر
تېره سې شنبه څو تنه سرتیري چې په درندو وسلو سمبال ول، د کندها هوايي ډګر ته ور ننوتل چې تقریباً تر ۲۰ ساعتونو پورې یې دوام وکړ، او له سلو څخه زیاتو داخلي او خارجي عسکرو ته یې پکې درنده مرګ ژوبله واړوله.
د افغانستان اوسني ولسمشر اشرف غني او پخواني ولسمشر حامد کرزي دغه برید په سختو ټکو غندلی دی.
اشرف غني د وژل شویو کورنیو سره په غم کې ځان شریک بللی، او د دې پېښې په اړه یې د پلټنې خبر ورکړی دی.
همدا شان د پخواني ولسمشر حامد کرزي له دفتر څخه په خپره کړی شوې خبر پاڼه کې د ملکي خلکو وژنه د اسلامي، انساني او نړیوالو موازینو خلاف بلل شوې ده.
او دا ډول بریدونه یې د افغانستان د دښمنانو کار بللی دی.
حامد کرزي په یاده پېښه کې د وژل شویو له کورنیو سره خواخوږي ښودلې، او ټپيانو ته یې د روغتیا دعا کړې ده.
د یاد برید پړه طالبانو په غاړه اخیستې ده او ویلي یې دي چې په دغه برید کې له سلو څخه زیات داخلي او خارجي عسکر وژل شوي دي.
د دوی سرتېرو د ملکي وګړو د وژنې په اړه د طالبانو له ویاند سره په یوه ټلیفوني اړیکه کې داسې وویل چې: «خارجي او داخلي عسکرو د خپلې غوسې د سړولو لپاره پر عامو خلکو ډزې وکړې چې ګڼ شمېر عامو وګړو ته یې مرګ ژوبله واړوله.»