کابل (کابل ټکی کام : پنجشنبه، ليندۍ،۱۹مه ۱۳۹۴ ل)
په تازه ورکړل شویو راپورونو کې راغلي، چې نن څو ساعته وړاندې رحمت الله نبیل له خپل مقام څخه ګوښه شو .
سرچینه د رحمت الله نبیل د استعفی خبر ورکوي، زیاتوي چې د ګډ حکومت لومړي مشر اشرف غني د نوموړي استعفی منلې ده .
یوې موثقې منبع د ملي امنیت دلوي ریاست په هکله ویلي دي، چې مسعود انداربي د رحمت الله نبیل لومړی مرستیال د سرپرست په حیث ټاکل شوی دی .
خو نبیل په خپله رسما د استعفی په هلکه څه نه دي ويلي .
همدارنګه د ولسمشرۍ مقام هم پدې هلکه څرګندونې نه دي کړي .
خو تېره ورځ نبیل اسلام اباد ته داشرف غني پر سفر انتقادونه کړي وه او ويلي وه چې زه د اشرف غني په حال متاسف يم .
نبیل تېره ورځ په خپل رسمي فیس بك پاڼه کې یوه تنده لیکنه کړې، ويلي يې دي چې ولسمشر غني د پاکستان د توپ ۲۱ډزو سخت ډارکړی او تر تاثیرلاندې رغلی او په خپلو څرګندونو کې يې ومنله، چې تر اوسه مو د پاکستان د دښمنانو پرضد ۴٠ عملیاتونه کړي او ډیر ژر به د خپلو د شپیتو کالو دوستانو د زړه د ډاډ لپاره، د ملا فضل الله پر وړاندې پراخ عملیات پیل کړو!”
او زیاتوي چې د اشرف غني سفر په داسې وخت کې وه، چې هم مهاله د هلمند خانشین ولسوالۍ طالبانو لاس ته ورغله او یوه شپه ورځ د کندهار په هوايي ډګر کې د طالب جنګیالیو او افغان امنیتي ځواکونو ترمنځ سخته نښته وشوه، چې ګڼ شمېر افغان ملي او امنیتي ځواکونوته په کې مرګ ژوبله واوښتله .
همدارنګه نبیل په مخکیني حکومت کې هم د ملي امنیت د ریاست مشري پرغاړه درلوده خو داسې ښکاري چې له جمهور رئیس غني سره یې اړیکې سړې وي .
هغه اسلام آباد ته د جمهور رئیس غني د وروستي سفر په ترڅ کې له شویو هوکړو څخه خپله نارضایتي ښودلې او د خپلې لیکنې په پای کې یې لیکلي چې: دا زما ٥٠٠٠ كلن تاريخ څه شو؟ چې د ٦٠ كلن تاريخ په مقابل كې په ګونډو شو
سليم بریال
