هرات: د طالبانو په ناڅاپي برید کې د عامه نظم ۱۵ ځواکونو ته مرګ ژوبله اوښتې

له هرات څخه راپورونه وایي، چې د دې ولایت د شینډنډ ولسوالۍ اړوند لرزانک په سیمه د نظم عام پر پولیسو بریدونه شوي.
د شینډنډ ولسوال شکرالله شاکر وایي، دطالبانو په دې مخامخ نښته کې ۱۰ تنه امنیتي ځواکونه وژل شوي دي.
نوموړی وایي؛ په سیمه کې د نظم عامه ځواکونه پع ګزمه بوخت و، چې یو تانګ یې د طالبانو ځمکنی ماین ښکار شو.
د ده په وینا؛ کله چې نورو ځواکونو غوښتل خپل قربانیان له سیمې راپورته کړي چې د طالبانو له راکیټي برید سره مخ شول.
ولسوال وایي؛ په دې نښته کې ۵ امنیتي ځواکونه ټپي شوي هم دي.
نوموړي طالبانو ته د ور اوښتي زیان په اړه څه نه دي ویلي.
طالبانو ویلي؛ چې په دې برید کې یې دنظم عامه قرارګاه نیولې او ۱۲تنه عسکر یې وژلي.
طالبا ویاند قاري یوسف احمدي ویلي چې د قرارګاه تر نیولو وروسته یې پرکومکي عسکرو هم بریدونه کړي چې ۸ وژل شوي ۵ نور ژوبل دي او په خبره یې چې د دولتي ځواکونو ۴ ټانګونه یې هم تخریب کړي دي.