کابل ټکی کام (شنبه، ۲۹ وری، ۱۴۰۵ل)
والسټریټ ژورنال راپور ورکړی، چې په هرمز تنګي کې هېڅ ډول سمندري ماموریت د ایران له تایید او اجازې پرته نه شي ترسره کېدای.
د راپور له مخې، ایران په دې ستراتیژیک تنګي کې خپل نفوذ لا زیات کړی او د سیمې د امنیتي وضعیت له امله هر ډول تګ راتګ تر جدي څار لاندې نیول شوی دی.
یادې رسنۍ زیاته کړې، چې د هرمز تنګی د نړیوالو سوداګریزو لارو له مهمو مسیرونو څخه دی، خو اوسنيو شرایطو کې د هر اقدام لپاره د ایران موافقه اړینه بلل کېږي.
کارپوهان وایي، چې دا وضعیت ښيي چې ایران په سیمه کې خپل دریځ لا پیاوړی کړی او کولای شي د سمندري تګ راتګ پر بهیر هر اړخیز اغېز ولري.
