خوست: د نوم لیکنې په مرکز کې چاودنې لسګونو تنو ته مرګ ژوبله واړوله
(کابل ټکی کام ۱۳۹۷ غویی ۱۶)
د خوست د امنیت امر عبدالحنان رسنیو ته ویلي چې نن ماسپیښین شاوخوا ۲:۲۰ د خوست د یعقبویو اډې ته څیرمه یوه چاودنه شوې چې تلفات هم لري.
د خو ست د امنیتي چارواکو د لومړنیو معلوماتو تر مخه په دې چاودنه کې ۱۹ تنه وژل شوي او تر ۳۰ ډیر نور ټپیان دي.
چارواکي وایي د نوم لیکنې مرکز په یو مسجد کې شتون درلود او چاودنه داسې مهال شوې چې خلک له لمانځه څخه وتلي و، د پیښې زیاتره قربانیان د مرکز امنیتي ساتونکي او انتخاباتي کارمندان و.
تر اوسه د یادې چاودنې مسؤلیت کومې ډلې نه دی منلی.
