د ایران د بهرنیو چارو وزارت: ایران او روسیه د سوریې په هکله یو دریځ لري.
کابل ټکی کام فرید احمد
د ایران د بهرنیو چارو وزارت مرستیال وزیر حسین امیر عبدالهیان ویلي دي چې د سوریي په هکله د ایران او روسيې ترمنځ هیڅ قسمه اختلافات وجود نلري.
نوموړي په یوه مطبوعاتي کنفرانس کې وویل چې روسیه او ایران په سوریه کې په حقیقت ولاړه مبارزه کوي او د بشارالاسد سره اوږه په اوږه ولاړ دي ترڅو دده په اصطلاح د ترهګرو مخه ونیسي.
د ایران د بهرنیو چارو وزارت مرستیال همداشان زیاته کړه چې د روسیې مبارزه په سوریه کې د ستایلو وړ ده او دا کار د بشارالاسد په موافقه سره شوی دی، او همدارنګه د ایران سلاکاران هم په سوریه کې له ترهګرۍ سره د مبارزې په برخه کې پوره کار کوي.
ایران وایې له روسيې سره د سوریې په رابطه هیڅ قسمه اختلافات نلري او کیدای شي چې همکاري له یوبل سره نوره هم زیاته کړي.
