د لوګر پر لومړۍ امنیتي حوزه سرتیري بریدونه شوي.
(کابل ټکی کام ۱۳۹۷ غبرګولی ۸)
د لوګر ولایت ځایي چارواکي وایي، چې نن سهار ۵ بجې د لوګر ولایت د لومړۍ حوزې پر ماموریت سرتیري بریدونه شوي چې ګڼ تلفات یې اړولي.
طلوع نیوز د لوګر د ځایي چارواکو په حواله خبر ورکوي چې په دې برید کې د لومړۍ حوزې د آمر په ګډون ۶ پولیس وژل شوي او ګڼ نور ټپیان دي.
بل پلو بیا د یاد ولایت د امنیې قوماندانۍ ویاند شاه پور احمدزی وایي؛ بریدګرو لومړی پر یاده امنیتي حوزه د مازدا په توسط موټر بم برید وکړ او بیا دوه تنه نور بریدکونکي د حوزې آمریت ته ننوتل.
د کورنیو چارو وزارت ویاند نجیب دانش وایي؛ په بریدونو کې درۍ پولیس وژل شوي او ۸ نور ټپیان دي ، همداراز د چاودنې د شدت له امله په شاوخوا کورونو کې ۴ تنه ملکي وګړي ټپیان دي.
هغه زیاته کړه، بریدګر له لږ شیبې جګړې وروسته ټول وژل شوي.
طالبانو د برید مسؤلیت منلی او په یوه خبرپاڼه کې یې ادعا کړې چې نن سهار وختي یې د پولیسو دچټک غبرګون په قطعه ګڼ سرتیري بریدونه کړي. چې په خبره یې په یاد برید کې د لومړۍ حوزې د آمر په ګډون لسګونه پولیس مړه او ژوبل شوي.
طالبانو ویلي چې جګړه لا هم په شدت سره روانه ده.
