کرکټ: نن د افغانستان او بنګله د ېش دوهمه شل اوريزه لوبه کېږي
(کابل ټکی کام، ۱۳۹۷، غبرګولی ۱۵) د افغانستان او بنګله ديش کرکټ ملي لوبډلو تر منځ د شل اوريزو سياليو د لړۍ نن دوهمه لوبه کېږي.
د افغانستان د کرکټ بورډ په خپله فسبوک پاڼه ليکلي چې د افغانستان او بنګله دېش تر منځ د درې يو ورځنيو سياليو د لړۍ دوهمه لوبه به د افغانستان پر وخت اووه بجې د هند په دهرادون ښار کې پیل شي.
د دواړو هېوادونو تر منځ د شل اوريزې لړۍ لومړۍ لوبه افغانستان له بنګله دېش څخه د پنځه څلوېشت منډو په توپير وګټله.
د افغانستان د کرکت بورډ د معلوماتو پر بنسټ، په ژوندۍ بڼه د دغه لوبو د خپرولو حق یواځې یک تلویزيون لري او نورو چینلونو ته يې د خپراوي اجازت نه دی ورکړل شوی.
باید وويل شي، د دواړو هېوادونو وروستۍ لوبه به د راتلونکې پنجشنبې په ورځ ترسره کېږي.
ټاکل شوې ده چې د همدې مياشتې له څوارلسمې تر اتلسمې نيټې د بنګلور په ايم چینا سوامي لوبغالي کې له هند سره دوستانه لوبې هم ترسره شي.
