(کابل ټکی کام ۱۳۹۷ زمری ۵)
د تخار ولایت ځایي چارواکي وایي، چې د خواجه غار ولسوالۍ له ټولو امنیتي پوستو او قوماندانۍ سره یوځای نن ماښام د طالبانو لاسته لویدلې.
د والي ویاند سنت الله تیمور وایي، ولسوالۍ کې لږ امنیتي ځواکونه و او طالبانو له موقع څخه په استفادې د ولسوالۍ پر مرکز کنترول ترلاسه کړی.
دیادې ولسوالۍ ولسوال محمد عمر عمر هم د ولسوالۍ سقوط تائیدوي او زیاتوي چې امنیتي ځواکونو تر لږ مقاومت وروسته خپلې پوستې طالبانو ته پریښې.
بل پلو د کورنیو چارو د وزارت ویاند نجیب دانش د خواجه غار ولسوالۍ سقوط نه مني او زیاتوي.چې سیمې ته تازه دمي ځواکونه رسیدلي او ژر به طالبان شاتګ ته اړ کړي.
طالب ویاند ذبیح الله مجاهد د ولسوالۍ نیول تائیدوي او په یوه خبرپاڼه کې یې ویلي چې، نن ماښام یې یاده ولسوالۍ نیولې چې په وینا یې “طالبان د کوکچې ولسوالۍ پول ته رسیدلي پرمختګ دوام لري“
مجاهد ګڼو امنیتي ځواکونو ته د مرګ ژوبلې اړولو سربیره د د زیات شمیر وسلو او مهماتو د نیولو خبر هم ورکوي.
ځایي سرچینې وایي، چې طالبانو اوسمهال پر بهارک ولسوالۍ جګړه پیل کړې اوجنګ دوام لري.
