م نعمت الله «سابق»
د تاریخ په اوږدو کښي د اسلام د حق او مبین دین په مقابل کي د باطلو ادیانو پیروانو ډول ډول پلانونه جوړ کړي، د اسلامي شعائرو سپکاوی یې کړی او په کلام الله کي یې د تحریف کوښښونه کړي چي دغه پلانونو پر افغانستان د کفري متحدینو تر یرغل وروسته په بې سارې توګه زور اخیستی او آن د افغانستان په داخل کښي یې په وار وار د اسلامي شعائرو سپکاوی وکړ، د باطلو ادیانو ګروهمن ملتونه غواړي د الله تعالی حق دین د پرمختګ او نړیوالتوب څخه پر شا کړي.
د طاغوت د ګوند دغه شوم او کرغېړن اعمال د هر باطل دین کینه ګر او بغضجن وګړي سر ته رسوي، مګر په دغه ناوړه اعمالو کښي یهود او صلیبیان تر نورو ټولو وړاندوالی لري ځکه کله چي د هر پلان څېړنه وسي تر شا یې د یهودو لاس وي او یا د یهودو په لمسون دغه ناوړه چاري صلیبیانو ترسره کړي وي، د یهودو څخه هغه ټول شیطاني تعلیمات صلیبیانو زده کړي چي هغوی د اسلام د حق دین په مقابل کښي جوړ کړي دي.
الله تعالی په قرآن کریم کښي د مسلمانانو سره ددوی د دښمنۍ یادونه کړې، فرمایي: « او همېشه به دوی ستاسو سره جنګیږي ترڅو چي تاسو د خپل دین څخه واړوي که چېري دوی وکولای سي» [البقره: ۲۱۷]، بل ځای الله تعالی فرمایي: « او ستاسو څخه به هیڅکله یهود او صلیبیان راضي نه سي ترڅو چي ددوی دین قبول نه کړې» [البقره: ۱۲۰].
یهودان همېشه د اسلام د حق دین په مقابل کښي د فعالیت ډولونه بدلوي، کله د سیکولرېزم په نوم، کله د کمونېزم په نوم او کله بیا د ماسونیت تحریک تر نوم لاندي فعالیتونه ترسره کوي تر څو د الله تعالی د دین د پرمختګ په لار کي خنډونه رامنځته کړي خو کله کله بیا د کمزورتیا په وخت کي چي دوی مغلوب وي خپل د اسلام ضد فعالیتونه ځنډوي.
صلیبیانو بیا د یو بشر دښمنه استعماري ځواک په توګه د ټوپک په زور د اسلام د حق دین په مقابل کښي پاڅون کړی دی، په ۲۰۰۱م کال کي جورج بوش د صلیبي جنګ اعلان وکړ او پر افغانستان یې یرغل پیل کړ، وروسته یې ورو ورو نورو اسلامي هیوادونو ته هم لاس اوږد کړ او د خپل استعماري ځواک استعمالولو ته یې دوام ورکړ. اصلاً صلیبیان یهودانو په خپلو مکارو شیطاني پلانونو سره غولولي دي او د خپلو اسلام ضد اهدافو د ترلاسه کولو لپاره یې صلیبي احمقان په لاره اچولي او د دوی د حماقت څخه ګټه اخلي.
صلیبیان سره ددې چي پر الله تعالی او د اخرت پر ورځ د ایمان لرلو دعوه کوي خو بیا هم د الله تعالی د توحید، د الله تعالی د رسولانو، د الله تعالی د کتابونو او د الله تعالی د معابدو په سپکاوي کښي تر نورو ټولو کفارو وړاندي دي. نه شرم او حیا لري، نه زړه سوی او رحم پکښي سته او نه هم ننګ او غیرت لري بلکه د اسلام ضد فعالیتونو پرمخ بیولو لپاره یې خپل ټول ننګ او غیرت تر پښو لاندي کړی دی.
د هغه غولیدلو افغانانو لپاره چي صلیبیان خپل دوستان ګڼي ځیني داسي مثالونه او بېلګي وړاندي کوم چي هغوی د ۲۰۰۱م کال راهیسي د اسلامي شعائرو سپکاوی کړی وي او لاهم په هالینډ هیواد کښي چي نژدې ۱۰۰ تنه پوځیان یې په افغانستان کښي د ناټو په چوکاټ کي وجود لري زموږ د ګران پیغمبر حضرت محمد صلی الله علیه وسلم د توهینونکي فلم جوړولو پروسې جریان درلود خو د اسلامي نړۍ او په ځانګړې توګه د اسلامي امارت تر ګوت څنډني وروسته ګېرټ ویلډرز ددې ناوړه کار څخه د بیري له امله پرشا سو:
د قرآن کریم سپکاوی:
په ۲۰۰۱م کال کښي کله چي جورج بوش د اسلامي امت پر خلاف د صلیبي جنګ اعلان وکړ د اروپایي هیوادونو په ګډون ټولي صلیبي نړۍ، یهودانو، هندویېزم، بودایېزم او کمونېزم ددغه اعلان ملاتړ وکړ چي په پایله کي یې صلیبیانو د اسلامي امت پر خلاف مادي او معنوي هر اړخیز جنګ پیل کړ.
د ډیموکراسۍ، لبرالېزم او د بیان د ازادۍ په نومونو د کلیسا د هدایت سره سم یې پر اسلامي مقدساتو د سپکاوي ډک جنګ په مختلفو او متعددو طریقو سره پیل کړ چي تراوسه دوام لري او نن هم په هالینډ کښي دغه سپکاوي ته تابیا نیول سوي وه.
۱: اسلام دښمنه صلیبیانو په ۲۰۰۱م کال کښي د امریکا د کلیفورنیا د ایالت د ساکامینټو په ښار کي یوه اداره جوړه کړه او مشر یې د المهدي په نوم یو هندوستانی مرتد وټاکه او صلیبیانو هغه ته دنده وسپارله چي د قرآن کریم په مقابل کښي یو داسي کتاب په عربي ژبه ولیکي څو په اسلامي هیوادونو کښي په تعلیمي نصاب کي د حقیقي قرآن کریم د مضمون پر ځای دغه نوی لیکل سوی کتاب ځای پرځای سي.
المهدي مرتد د مسلیمة الکذاب او ابن رواندي زندیق په څېر د کتاب په لیکنه پیل وکړ او تر ۲۰۰۳م کال پوري یې په زړه عربي باندي په ۳۶۸ مخونو کي دغه کتاب ولیکی چي ۷۵ سورتونه یې درلودل او نوم یې د فرقان الحق (The True Furqan) پر کښېښود، په نوي لیکل سوي فرقـــان الحق کتاب کښي جهاد، یهودو او عیسایانو سره دښمني ته بلنه نه وه ورکړل سوي بلکه هغوی د مسلمانانو دوستان او خواخوږي معرفي سوي وه.
د قرآن کریم په مقابل کښي دغه لیکل سوی مبتذل کتاب امریکایي صلیبیانو په ۲۰۰۴م کال کي د ازمویني په تکل د مستعمره کړي هیواد کویټ د انګریزي ژب زده کړي په یو شخصي تعلیمي مرکز کي په نصاب کي شامل کړ او د دیني مضمون د زده کړي په توګه یې لوست لازمي وګرځول، مګر د صلیبیانو د قرآن کریم په خلاف دغه شیطاني اقدام هم الله تعالی چي د خپل کلام حفاظت په خپله کوي داسي ناکام کړ لکه د مسیلمه لیکی کتاب، د ابن رواندي لیکلی کتاب او د مصر د معاصر ادیب طه حسین لیکلی کتاب چي یې ناکام کړ، امریکایي صلیبیانو پر فرقـــــــان الحق کتاب باندي لکونه ډالر هدر کړل او المهدي هندوستانی مرتد او ملعون د صلیبیانو مزدور تور مخ ناکام سو.
۲: په ۲۰۰۱م کال کي پر افغانستان د یرغل سره سم صلیبیانو پر انټرنیټ باندي د اسلام اصلي څېره (The Real Face of Islam) په نوم یوه ویب پاڼه خلاصه کړه، پر هغه ویب پاڼه صلیبیانو د مختلفو انځورونو سربېره د قرآن کریم، رسول صلی الله علیه وسلم او اسلام په هکله داسي مضامین خپاره کړل چي د مسلمانانو دغه درې واړه مقدسات خپلو پیروانو ته د جنګ او تروریزم امر کوي او قرآن کریم د تروریستي او په نړۍ کښي د الغاوتلغاو او عداوتونو لاښوونکی کتاب دی (نعوذبالله).
۳: د ۲۰۰۴م کال د نومبر په میاشت کښي د نیدرلینډ (هالینډ) هیواد په نامتو ښار هاګ کي چي د نړیوال عدالت مرکز دی او بین المللي مجرمین پکښي محاکمه کیږي او د امن له نظره نړیوال شهرت لري، د همدغه ښار په صلیبي مرکز کي د قرآن کریم پر خلاف د اطاعت (Submission) په نوم فلم خپور کړ.
د صلیبیانو په دغه جوړ کړای سوي فلم کښي د قرآن کریم په هغه مبارکو ایاتونو پسخند وهل سوی و چي د ښځو د ستر او حجاب، د زناکارو او پاک لمنو ښځو په اړه احکام بیان سوي دي، په دغه فلم کي یاد مبارک ایاتونه د یوې لڅي (عریاني) او فاحشي ښځي پر شا باندي لیکلي وه او دایې جوته کړې وه چي په اوسني عصر کي مسلمانو سیکولرو او لبرالو روشن خیالو ښځو (نعوذبالله) دغه ظالمان قرآني بندیزونه او سزاګاني شاته غورځولي دي او زادي یې ځیني ترلاسه کړي ده، د ډیموکراسۍ په نظام کښي هر اړخیزه ازاد ژوند کوي.
داسي ژوند چي نه خو د ستر او حجاب بندیزونه پکښي سته، نه د خپل او اجنبي، محرم او نامحرم اصطلاحات یې په قاموس کي پیدا کیږي او نه د جنسي غریزې د اطفاء ډولونه پکښي سته او نه د زناکارۍ سزاګاني وجود پکښي لري.
ددغه فلم جوړوونکي نوم ریجیسوروین کوخ دی او نوموړۍ د مسلمانانو او قرآن دښمنه یهودي و چي په ظاهره عیسایي سوی و، د ۲۰۰۴م کال د نومبر میاشتي پر دویمه نېټه دغه ملعون پر بایسکل سپور د امسټرډام د کونسل هاوس په مخ کي د تېریدو په حال کي و چي د مراکش هیواد شپږویشت کلن مسلمان ځوان (محمد بوهیري) لومړۍ د توپنچې ټک باندي وکړ خو خطا سو، وروسته دغه غازي ځوان په نژدې پارک کي ونیوی او په چړو یې تر هغه وخته ووهی ترڅو چي مردار سو، وروسته نژدې د پولیسو مرکز ته په وینو د سرو لاسو او برچې سره ورغلی او د ریجیسوروین کوخ د وژلو پړه یې پر غاړه واخیسته.
۴: په ۲۰۰۵م کال کښي امریکایايي متعصبو او اسلام دښمنه صلیبي پوځیانو د ګوانتانامو په کرغېړن زندان کي د بې وسو مظلومو بندیانو په وړاندي قرآن کریمونه څېري کړل، کموډونو ته یې واچول او د الله تعالی کلام ته یې ښکنځل وکړل. تردې وروسته د طاغوت لښکر صلیبي پوځیانو د مسلمانانو د زورولو لپاره په ګوانتانامو زندان کي د مظلومو بندیانو لڅ (عریان) انځورونه خپاره کړه او مسلمانانو ته یې څرګنده کړه، څوک چي د صلیبیانو پر ضد مبارزه کوي موږ هغوی دغه رنګه بې عزته کوو، خو د الله تعالی قدرت ډېر لوی دی او ددوی دغه صلیبي غرور یې د خاورو سره خاوري کړ او مجبوره سول چي اکثره هغه زندانیان د فشار له امله خوشي یا خپلو هیوادونو ته انتقال کړي.
۵: د ۲۰۱۱م کال د مارچ میاشتي پر ۲۰مه نېټه د امریکا په فلوریډا ایالت کښي د (Dove World Outreach) نومي کلیسا صلیبي پادري ټېري جونز (Terry Jones) یوه محاکمه جوړه کړه او پر هغه یې نعوذبالله د (قرآن د محاکمې نړیواله ورځ) نوم کښېښود، جونز چي د اسلام سرسخته صلیبي دښمن دی د قاضي رول ادا کړ او قرآن کریم یې ۶ ساعته د محاکمې په نیت ايښی و، وروسته یې دا حکم وکړ چي نعوذبالله قرآن د تشدد په تور ګرم و پېژندل سو او باید وسوځول سي.
کلیسا چي د اسلام د حق او مبین دین د اظهار له پیله یې د مسلمانانو او اسلامي شعائرو دښمني شروع کړې یوځل بیا د ۲۰۱۱م کال د مارچ میاشتي پر ۲۱مه نېټه (Wayne Sapp) چي د ډو ورلډ اوټریچ کلیسا مشر دی د ټېري جونز په نظارت کي قرآن کریم ته د نړۍ د ټولو مسلمانانو په مخ کي اور ورته کړ او هغه یې وسوځوی.
د صلیبیانو ددغه پلان سوي ناوړه عمل وروسته د نړۍ په ګوټ ګوټ کښي لاریونونه پيل سوه، په افغانستان کي هم د صلیبیانو ددغه ناروا کړني د غندلو لپاره لاریونونو دوام درلود چي په مزاره شریف کي لاریون کوونکو د ملګرو ملتونو پر یوه مرکز برید وکړ، د برید په پایله کي ۳۰ تنه ووژل سوه او نژدې ۱۵۰ تنه ژوبل سوه. په وژل سوو کي د ملګرو ملتونو ۷ کارکوونکي شامل وه چي د ناروې، سویډن، نیپال او رومانیا هیوادونو اتباع وه.
د مزارشریف ترڅنګ په کندهار کي هم خونړي لاریونونه ترسره سوه، لسګونه کسانو ته مرګ – ژوبله پکښي واوښته چي ډیری یې د امنیتي ځواکونو او پولیسو له لوري په مرمیو ویشتل سوي وه.
۶: د ۲۰۱۲م کال د فبروي میاشتي پر ۲۱مه نېټه په افغانستان کښي د امریکایي صلیبي پوځونو په ترټولو لویه اډه (باګرام) کي د طاغوت د لښکر دغه صلیبیانو قرآن کریم د افغان پوځیانو په مخ کي وسوځوی، د افغانستان غیور او مسلمان ملت ته د خبر رسېدو سره سم لاریونونه پیل سوه او د امریکایانو پر ضد یې شعارونه ورکول او د خپل هیواد څخه یې د صلیبيانو وتل وغوښتل.
د فبروري پر ۲۵مه نېټه په کورنیو چارو وزارت کښي دننه دوه تنه امریکایي لوړ رتبه مشاورین د ملي امنیت د یوه کارکوونکي (غازي عبدالصبور) له لوري ووژل سول، عبدالصبور چي د پروان ولایت اوسیدونکی دی په نورو وزارتونو کي هم کارمند پاته سوی و او وروسته ونیول سو. نوموړي د نړیوالو او کورنیو رسنیو په مخ کښي پر خپل جرم په ډیره میړانه اعتراف وکړ او دا کار یې د کینه ګرو صلیبیانو څخه په باګرام کي د قرآن کریم د سوځولو انتقام وباله، وروسته غازي عبدالصبور د افغاني محکمې له لوري په اعدام محکوم سو او اوس د پلچرخي په زندان کښي خپلي شپې او ورځي سبا کوي.
د فبروي پر ۲۶مه نېټه د لاریونونو په دوران کښي قهرجنو مظاهره چیانو په کندوز ولایت کي د امریکایي صلیبي پوځیانو یوه مرکز ته لاسي بم وغورځوی چي له امله یې ۸ تنه د طاغوت د لښکر ۸ تنه صلیبیان ټپیان سوه.
نور بیا…
