د هند لومړی وزیر (نرېندرا مودي) کابل ته را ورسېدو

کابل ټکی کام ۰۴جدې/۱۳۹۴، احمدالله مهاجر
څو ورځې وړاندې خبرونه خپاره شول چې د هند لومړی وزیر نرېندرا مودي به د جمعې په ورځ کابل ته راځي، چې نن (جمعه) له مسکو څخه سهار وختي د کابل هوايي ډګر ته راورسېدو.
ټاکل شوې ده چې مودي به نن د پارلېمان نوې ودانۍ پرانیزي، او افغان هوايي ځواک ته به درې هیليکاپټرې سپاري.
خبرونه وایي چې مودي به په دغه سفر کې له افغانستان سره خپلې مرستې هم اعلان کړي.
د ده د استقبال لپاره د ملي امنیت مشر حنیف اتمر او نور چارواکي ورغلي وو.
مودي پخپله ټوېټر پاڼه باندې خبر ورکړی وو چې په دغه یو ورځني سفر کې به دی د افغان ولسمشر غني، اجرائیه رئیس ع، عبدالله او له پخواني ولسمشر حامد کرزي سره لیده کاته کوي.
د یادونې وړ ده چې د نرېندا مودي افغانستان ته دغه لومړی سفر دی.