پروان (کابل ټکی کام سه شنبه، مرغومي ۸ مه، ۱۳۹۴ل) :
له پروان ولایت نه تازه راپورونه وايي، چې د بهرنيوځواکونو تر ټولونه لوی مرکز باګرام هوايي اډه باندې د توغندیو برید شوی .
ددغه برید مسؤلیت طالبانو منلی او ویلي يې دي چې دا بريد ددوي ملګرو کړی او مېشتو بهرنیو ځواکونو ته يې درانه زیانونه اړولي دي .
ذبیح الله مجاهد چې د طالبانو ویاند دی په خپل ټویټر پاڼه کې لیکلي دي، چې دوي تېره شپه په دغه اډه باندې توغنديز بريدونه کړي دي او په ټاکلی هدف لګېدلي دښمن ته يې زیات تلفات اړولي دي .
خو تر دې دمه په کابل کې د ناټو قواو مطبوعاتي دفتر ددې توغنديز بريد په اړه کومه اعلامیه نه ده خپره کړې او نه د افغان چاروکو څه ويلي دي .
د باګرام دغه هوايي اډه چې په هېواد کې تر ټولو خوندي او لوی مرکز بلل کېږي په تېره اونۍ کې هم د یوه خونړي برید شاد هد وه چې ۶ تنه امريکايي عسکر په کې د یوه سرښندونکي برید په نتیجه کې وژل شوي وه .
سليم بریال
