ټرمپ د امریکايي پوځ لوی درستیز معرفي کړ
(کابل ټکی کام ۱۳۹۷ لیندۍ ۱۸)
د امریکا ولسمشر ډونالډ ټرمپ د امریکا د پوځ لپاره نوی لوی درستیز“جنرال مارک میلي“ معرفي کړ .
ټاکل شوې ده چې نوموړی به د جنرال جوزف ډانفورډ پر ځای دا دنده مخته وړي.
ډنفورډ د پخواني ولسمشر بارک اوباما له خوا په ۲۰۱۵ کې ټاکل شوی و او ټرمپ هم نوموړی د دو کالونو لپاره ومانه، چې تر دې وروسته به یې ځای نوی جنرال مارک میلي ونیسي.
میلي، په عراق او افغانستان کې د جګړو مشري هم ترسره کړې او اوسمهال د امریکا د ځمکنیو قواو قومانده پر غاړه لري.
نوموړی به تر دې وروسته د امریکا د سنا جرګې رایه هم لاسته راوړي او بیا به خپله دنده پیلوي.
ټاکل شوې وه چې د ډنفورډ دنده په ۲۰۱۹ کې پای ته ورسیږي خو ټرمپ ویلي چې نوموړی نه شي کولی دا دنده مخته یوسي
