فراه: له شيبکوه ولسوالۍ په شا شوی کاروان د طالبانو له کمین سره مخ شوی
(کابل ټکی کام، ۱۳۹۷، لیندۍ ۲۲)
د تازه راپورونه له مخې، د فراه ولايت هغه پوځي کاروان چې تيره ورځ د شيبکوه ولسوالۍ څخه په شا شوی و د طالبانو تر کمين لاندې راغلی دی.
تيره ورځ د فراه مرستيال والي موسی نظري وويل، چې افغان ځواکونو شيبکوه ولسوالۍ پرته مقاومته پريښې او د يادې ولسوالۍ له مربوطاتو په شاه شوي دي.
طالبانو هم د يادې ولسوالۍ د نيولو خبر ورکړی و.
خو تازه طالب وياند يوسف احمدي په خپله ټويټر پاڼه ليکلي، (د ګډ دښمن هغه موټريز کاروان چې د شيبکوه ولسوالۍ کلابند ګوډاګيان يې د قوې په مټ فراه مرکز ته لېږدول د طالبانو تر کمين لاندې راغلی دی).
د احمدي په وينا، د ياد کاروان دوه رينجر، دوه کاماز موټر او يو ټانګ په مکمله توګه ويجاړ شوي زياتوي د جګړې په ترڅ کې اوولس عسکرو ته مرګ ژوبله اوښتې ده.
تيره ورځ طالبانو ويلي و چې ياده ولسوالۍ د دوی تر دې مياشتنيني کلابندۍ لاندې وه او بالاخره دولتي عسکر مجبوره شول چې ياده ولسوالۍ خوشې کړي.
