(کابل ټکی کام ۱۳۹۷ مرغومی ۹)
د پاکستان پوځ وایي، له افغانستان سره یې په د فرضي کرښې په اوږدو کې د سلګونه کیلومتره اغزن تار لګول بشپړ کړي دي.
بوځ ویلي، تر اوسه یې د خیبر پښتونخوا آیالت او افغانستان تر منځ ۲۳۳ پوستې جوړې کړې او ۴۸۲ کیلومتره اغزن سیم لګول شوی دی.
پاکستانۍ ټربیون ورځپاڼه وایي، د پاکستان پوځ دا پوستې په ساتندویه ماینونه خوندي کړې او هڅه کوي سلګونه نورې پوستې هم جوړې کړي.
باید وویل شي چې پاکستان څه موده وړاندې د فاټا تړون مات کړ او قبایلي سیمې یې له خیبرپښتونخوا ایالت پورې وتړلې چې په دې سره د یاد آیالت او افغانستان تر منځ ټوله کرښه ۱۴۰۳ کیلومترو ته ورسیده.
د یادونې وړ ده چې افغان سرحدي ځواکونو څو ځله د یاد سیم پر وړاندې د مخنیوي هڅه وکړه خو له یوه لوري افغان حکومتي چارواکو ورته د وړاندې تګ اجازه نه ورنه کړه او له بل پلوه پاکستاني چارواکو هغه اسناد چې د دې فرضي کرښې د منلو او اغزن سیم د تیریدو په تړاو د ولسمشر غني حنیف اتمر او ځینو لوړ رتبه افغان چارواکو لاسلیکونه پرې شوي و، ور ښکاره کول.
د ولسمشرۍ ماڼۍ تر اوسه رسماً د اغزن سیم د تیریدلو په تړاو کوم غبرګون نه دی ښوودلی ،خو د ملي امنیت پخواني سلاکار حنیف اتمر څو اونۍ وړاندې په یوه مرکه کې ویلي و، چې د خپل واک پر مهال یې د ولسمشر غني په حکم پر ډیورند کرښه د اغزن سیم تیریدل له پاکستاني پلاوي جنرال عامر سره منلي وو.
