هلمند: د سختو اورښتونو له امله خلکو ته دروند مالي زیان اوښتی دی
(کابل ټکی کام ۱۳۹۷ کب ۴)
د هلمند مرکز لښکرګاه اوسیدونکي وایي، وروستیو اورښتونو ورته درانده مالي زیانونه اړولي او خلک یې له سختو ستونزو سره مخ کړي دي.
سرچینې وایي، د ورستیو بارانونو له کبله راوتلو سېلابونو د خلکو سلګونه جريبه ځمکه لاندې کړې او لسګونه کورونه اوبو وړي دي.
د هلمند د باباجي سیمې اوسیدونکو رسنیو ته ویلي، د سیلابونو له امله په دې سيمه کې شاوخوا ٩٠ کورونه نړېدلي دي.
په عین حال کې د مرکز اړوند د ولیزو سیمې خلک هم شکایت کوي چې ورستیو اورښتونو يې هم کورنه وران کړي او هم يې ورته فصلونه خراب کړي چې دغه خلک يې په هېڅ صورت د بيا جوړولو توان نه لري.
د دواړو سیمو خلک له حکومت او خيريه موسسو څخه د اړينو مرستو غوښتنه کوي او زیاتوي که اورښتونو همداسې دوام وکړ ، ښایي يو شمېر کسان هم خپل ژوند له لاسه ورکړي او د خلکو بې شمیره نور کورونه هم ونړیږي
