خلیلزاد سیاسي مشرانوته: تاسوکې دجګړې قرباني نشته ځکه دسولې مخالف یاست
کابل ټکی کام ( چهارشنبه، ۱۴ وری، ۱۳۹۸ ل)
دامریکا ځانګړی استازی زلمی خلیلزادپه نننۍ غونډه کې سیاسي، اوجهادي مشرانو ته غوسه کړې ده، د ارګ په نننۍ ناسته کې بعضومشرانو د سولې روان بهيریوه لوبه بللې اوځينو سياسي شخصيتونو او رهبرانو د خپلو خبرو پر مهال له دغې پروسې سره مخالفت څرګند کړی دی، ددغه مخالفت څرګندولو په غبرګون کې خليلزاد د غونډې ګډونوالو ته په تیزه لهجه اوقهرجن انداز ويلي چې زمونږ په دغه ناسته کې د اوسنۍ بدمرغه جګړې کوم قرباني نشته کنه چا به د سولې مخالفت نه وو کړی، اشاره یې همدوی ته وه ځکه چې دټولو بچي په بهرنیو ممالکو کې هوسا ژوند کوي، خليلزاد ټينګار کړی چې امريکا د جګړې ختم او سولې راتګ ته جدي ده او امريکا به ضرور دغه هدف ته رسيږي.
