اسدالله خالد او سکاټ میلر غزني ته تللي
د ملي دفاع سرپرست وزیر او په افغانستان کې د میشتو بهرنیو ځواکونو عمومي قومندان سکاټ میلر غزني ته رسیدلي دي
د دوی د دې سفر په اړه تراوسه پوره معلومات له رسنیو سره نه دي شریک شوي
دوی دواړه غزني ته په داسې حال کې تللي چې د غزني ښار په څنډو کې طالبان لیدل کیږي
د پسرلي له رابرسیره کیدو وروسته غزني هم یو له هغو ولایتونو څخه دی چې د طالبانو بریدونو پکې زور اخستی دی
د سکاټ میلر دا دوهم سفر دی، چې د خپلې دې دندې پر مهال یې غزني ته ترسره کوي
د یادونې وړ ده چې تیر ځل د سکاټ میلر له ورتګ سره سم طالبانو د ولایت په مقام توغندیز برید وکړ
