د اندونيزيا د بهرنيو چارو وزيرې له ملابرادر سره کتلي
(کابل ټکی کام، ۱۳۹۸، غویی ۱۱)
د اندونيزيا هيواد د بهرنيو چارو وزيره ريتنو ليستاري د يوه هيئت په مشرۍ قطر ته تللي او هغه هيواد کې يې د اسلامي امارت له مرستيال ملا عبدالغني برادر سره کتلي دي.
طالب وياند ذبیح الله مجاهد کابل ټکی کام ته په راليږلې خبرپاڼه کې ويلي چې د اسلامي امارت سياسي مرستيال او په قطر کې د سياسي دفتر مشر پرون د سې شنبې په ورځ د اندونيزيا د بهرنيو چارو وزيرې سره او یوه هيئت سره کتلي دي.
د مجاهد په وينا، په دغه کتنه کېد د دواړو خواوو تر منځ د افغانستان د مسئلې په سوله ييز حل او امريکا سره د طالبانو د مذاکراتي ټيم په روانو مذاکراتو خبرې شوي.
خبرپاڼه کې راغلي، چې ملابراد او د اندونيزيا وزيرې د بين الأفغاني کنفرانس د لغوه کيدو په لاملونو هم غږيدلي زياتوي دواړو خواوو د خپلمنځي اړيکو په پراخيیدو ټينګار کړی.
د اندونيزيا د بهرنيو چارو وزيرې ويلي، که اړتيا شوه نو هيواد يې د افغانستان سولې مسئله کې مثبت رول لوبولو ته چمتو دی.
په وروستيو کې د یو شمیر هيوادونو استازي قطر ته د افغانستان د اسلامي امارت سياسي مرستيال ته ورغلي او له هغه سره يې د افغانستان سولې په تړاو خبرې کړي دي.
