پلازمینه کابل په ګډون هېواد او سیمه یوې بلې زلزلې ولړزوله
کابل ټکی کام (چهارشنبه، مرغومی ۲۳مه، ۱۳۹۴ ل): تېره شپه نسبتا یوې زورورې زلزلې د پلازمینې کابل په ګډون هېواد او سیمې هوادونو ته ټکانونه ورکړل .
د امريکا زلزله پېژندنې ادارې د راپور په اساس، چې شدت يې د رېښتر په کچه ۵ اعشاریه ۶ او مرکز يې د افغانستان شمال ولایت بدخشان جرم ولسوالۍ کې ۲۴۲ کلومتره او ۹۰۰ متره له مځکې لاندې ښودل شوی.
د زلزلې سخت ټکانونه ځانګړي ډول په ختيځو ولایتونو ننګرهار، کنړ، لغمان، او نوریستان دغه راز کابل کې احساس شوي دي .
د دغې زلزلې ټکانونه دلته په هېواد کې پر سیمیز وخت دشپې ۱۲ بجې او ۴۰ دقیقې احساس شوي دي.
دغه راز تېره اونۍ د جمعې په ورځ هم نسبتا یوې معتدلې زلزلې پلازمینه کابل، ځیني ولایتونه او د سیمې هېوادونه لړزولي وه .
چې شدت يې د ریښتر په کچه ۵ اعشاریه ۹ ښود شوېوه، مرکز د افغانستان د بدخشان ولایت په جرم ولسوالي کې تر مځکې ۲۱۹ کیلومترې لاندې بلل شوی.
تر دې دمه د کومې مرګ ژوبلې او زیانونو راپورونه نه دي ورکړل شوي .
سلیم بریال
