(کابل ټکی کام، ۱۳۹۸، چنګاښ ۶)
د ګډ حکومت مشر اشرف غني نن د پنجشنبې په ورځ په دوه ورځيني سفر د پاکستان پلازمينې اسلام اباد ته ورسيد.
د پاکستان د بهرنيو چارو وزارت ويلي غني به په دغه دوه ورځني سفر کې د هغه هيواد له لومړي وزير عمران خان، او ولسمشر عارف علوي سره هم ملاقاتونه وکړي.
د سرچينې په وينا، په دغه کتنه کې به پر سياسي، امنيتي، اقتصادي او تجارتي اړيکو خبرې کېږي.
د غني دا درېيم سفر دی چې پاکستان ته يې کوي خو تر دې وړاندې شاوخوا څلورنيم کاله مخکې د اسيا زړه کنفرانس کې د ګډون لپاره پاکستان ته تللی و.
د اشرف غني ادارې تر دې مخکې څو ځلې پر پاکستان تورې پورې کړی چې طالبانو ته يې په خپل هيواد کې ځای ورکړی او د هغوی ملاتړ کوي هغه څه چې پاکستان په بار بار رد کړي دي.
په داسې حال کې اشرف غني پاکستان ته سفر کوي چې امریکا له تيرو څو مياشتو راهيسې له طالبانو سره په مذاکراتو بوخته ده او د سرچينو په يناښايي راتلونکي اووم پړاو مذاکراتو کې ښکېلې خواوې یوې موافقې ته ورسيږي.
د يادونې ده، چې تيره اوونۍ د ګلبدين حکمتيار، حنيف اتمر او محقق په شمول یو شمیر افغان سياستوال او د ګوندونو استازو د پنجاب په مري کې د افغان سولې په تړاو په جوړې شوې غونډې کې هم ګډون کړی و.
