(کابل ټکی کام، ۱۳۹۸، چنګاښ ۱۸)
د طالبانو او امريکايانو تر منځ د اووم پړاو مذاکرات له نږدې دوه اوونيو راهيسې روان دي چې پرون او وړمه ورځ په دوحه کې د بين الأفغاني خبرو لپاره ځنډيدلې وې.
طالبانو او امريکايي پلاوي ويلي و چې د دواړو غاړو تر منځ روان مذاکرات به د دوحې له غونډې وروسته بيا پيل شي.
ټاکل شوې چې نن یو ځل بيا د طالب او امريکايي پلاوي تر منځ مذاکرات پيل شي.
طالبانو او امريکايانو د اووم پړاو خبرې تر نورو ټولو ناستو او بحثونو ګټورې بللي په وينا يې په خبرو کې مخکې تللي دي.
پرون د افغانستان لپاره د امريکا د بهرنيو چارو وزارت ځانګړي استازي زلمي خليلزاد وويل، چې طالبانو سره به په مهمو مسائلو (له تروریزم سره مبارزه، د امريکايي ځواکونو د وتلو، اوربند، بین الأفغاني مذاکرات) هغه څه دي چې پرمختګ پکې شوی خو لا هم ځيني ټکی شته چې بحث ته اړتيا لري او مونږ ورته هيله مند یو.
