کله هم چې په سفر وتلئ نو د مبایل بیټرۍ ګورئ چې چارج يې پوره ده بیا نو سفر کوئ، ځينې خلک چې د مبایل بیټرۍ يې خالي وي نو هر چیري چې وغواړي خپل مبایل چارجوي چې دا پخپله یو لویه غلطي ده.
د ډریزل پوهنتون پروفیسور اورفیتوم وايي، په هوايي ډګرونو او نورو تم ځایونو کې د مبایل چارجول ډیر خطرناک دي هغه وايي له دې لارې مجرمین کولائ شي چې ستاسو ټول پټ معلومات غلا کړي . جیونیوز هم په خپل راپور کې وايي، چې په پنځو ځایونو کې مبایل مه چارجوئ چیرې چې عام چارجر پورټ لګېدلی وي.
اول: هوايي ډګرونو کې مبایل مه چارجوئ ځکه هلته ډیر چارجري لګیدلي وي خو کله چې موبایل چارجوئ مجرمین ترې د چارج یوایس بي له لارې معلومات غلا کولائ شي.دوهم: د اورګاډي تم ځایونو کې موبایل چارجول چې مجرم د مهمو معلوماتو او یا بلیک میل کولو لپاره مفته چارجولو پورټ لګوي او بیا ستاسو مهمه ډیټا له دې لارې غلا کوي. دریم: په هوټلونو کې هم د مبایل جارجول ډیر خطر ناک دي ځکه مجرم ددې لارې ستاسو مبایل کې پټ سافټویرونه انسټالوي او ستاسو مهم معلومات غلاکوي. څلورم: په کرایه شوي موټرو کې موبایل چارجول د غلا تر څنګ موبایل ته هم تاوان اړوي ځکه د موټر بیټرئ نه چې کوم پاور راځي هغه ستا موبایل په چارجولو کې مرسته نه کوي او بیټرۍ له مینځه وړي. پنځم: په کتابتون کې موبایل چارجول هم خطرناک دي ځکه چې موبایل له تانه لري وي او مهمو معلوماتو غلاکول مجرم ته اسانه دي.
