ډونالډ ټرمپ: افغانستان کې د خپلو ځواکونو شمېر کموو خو استخباراتي ځواک به هلته وي
(کابل ټکی کام، ۱۳۹۸، زمری ۲۸)
د امریکا ولسمشر ډونالډ ټرمپ ويلي چې په افغانستان کې به د خپلو ځواکونو شمير کم کړي خو يوه استخباراتي ډله به هلته پاتې وي.
ټرمپ د امریکا په نيوجرسي ايالت کې خبريالانو ته وويل، ښايي په نږدې وخت کې په افغانستان کې د امریکايي ځواکونو شمير له ديارلس زرو څخه راکم کړي شي زياتوي له طالبانو او افغان حکومت سره د دوی خبرې ښې روانې دي او تر هغې چې طالبان او افغان حکومت د خبرو کومې پايلې ته رسيږي یوه ډله استخباراتي ځواک به هلته پاتې وي.
نوموړي ويلي، دغه استخباراتي ځواک د دې لپاره هلته پاتې کيږي چې افغانستان د ترهګرۍ ازمايښت ځای ونه اوسي.
هغه وويل، د امريکا د کابينې له مهمو غړو سره يې په ګډه غونډه کې د افغان سولې په تړاو خبرې کړي او ډير ژر به دغه هيواد کې د امریکايي ځواکونو حضور پای ته ورسيږي.
نوموړي دغه راز ويلي، چې په څو اوونيو کې به د یوې هوکړې شاهدان و اوسۍ زیاتوي طالبانو سره د سولې خبرو کې ښه پرمختګ شوی او اوس د افغانانو خپلمنځي خبرو پایلې ته په کتو به امریکا خپله پریکړه کوي.
ټرمپ تر دې مخکې هم ويلي و چې یوه استخباراتي ډله به په افغانستان کې پريږدي خو طالبانو په خپلو خبرو کې په وار وار ټينګار کړی چې له افغانستانه به ټول بهرني ځواکونه ووځي.
