(کابل ټکی کام، ۱۳۹۸، زمری ۲۰)
له کابله خپريدونکې ويسا ورځپاڼې په خپله سرمقاله کې په افغانستان کې د داعش د فعاليت او د هغوی په اړه د اشرف غني څرګندونې راخيستي.
ويسا ليکي، اشرف غني وړمه ورځ په خپلو خبرو داسې وښودل چې داعش ډله په افغانستان کې فکري بستر لري، له خلکو او حکومتي ادارو يې د هغوی په خلاف د همکارۍ او په نښه کولو غوښتنه وکړه.
خو سرچينه زياتوي ، کله چې داعش ډله افغانستان کې پيدا شوه نو داسې استدلال کيده چې دا د امريکا، پاکستان او افغان حکومت ګډه استخباراتي پروژه ده چې وروسته يې فعاليتونه پراخ او (آن د امریکایي او افغان ځواکونو لخوا د هوایي ملاتړ او د دوی د انتقال په باب خبرونه ورسره غبرګ خپاره شوي دي).
په سرمقاله کې راغلي، چې د اشرف غي دغه خبره چې (داعش فکري ډله بولي) په اصل کې په لوی لاس یادې ډلې ته د فکري ډلې هويت ورکول دي په داسې حال کې چې نه فکري تومنه لري او نه په طبيعي ډول دغسې ډلو ته په افغانستان کې د پښې ايښودلو ځای ورکول کيږي.
ويسا زياتوي،” د اشرف غني وروستۍ خبرې په دې تړاو په شعوري او یا لاشعوري ډول د دې توطیې د پیاوړي کولو په معنا دي.”
د ويسا په وينا، په افغانستان کې د جګړو او نا امنيو د دوام لپاره د داعش له نامه څخه استفاده کيږي، که اشرف غني هم د امریکايي لوري سره په همغږۍ وي نو بايد باضميره افغانان ورته متوجه او ورته ډول توطيې په نطفه کې يې شنډې کړي.
