زه اوس د مړو په سِماع کې اختلاف نه کوم
زما دعویٰ دا ده چې نن سبا ژوندي نه اوري
ورته د وا مُعتَصِمَا نعري وهي مظلومان
هيڅوک يې هم سوي آهونه او زګيروي نه اوري
اُميان خو ښه دي حق خبرې ته يو څه غوږ نيسي
خو خدای دې خيرکړي ملايان خو يې بيخي نه اوري
چې کله هم ترې د چاندې مطالَبه وکړمه
بيا مې غږ نه ورځي او بيا مې خپل پردي نه اوري
دا خو منم چې فضائل يې زباني ياد کړي
خو د قرآن درس او تدريس هيڅ تبليغي نه اوري
په خله روژه په سجده پروت هر وخت الله الله کړي
خو د جهاد خبره هيڅ کله صوفي نه اوري
ما “عُقابي جانان” هر ځل حق او باطل بېل کړي
اکثره خلک مې اوس ځکه شاعري نه اوريد
