غورځنګ
په قطر کې چې مذاکرات تقريباً تر نهم پړاوه پورې ورسېدل او تر اوسه لا هم روان دي، چې دا دی په نهم پړاو کې طالبانو او امریکايانو تر خپل هوکړې ته د رسېدلو خبرداری ورکړی دی.
او په دې مذاکراتو کې دوه اهم موضوعات ښودل شوي دي چې یوه يې له افغانستان څخه د امریکايي ځواکونو وتل او بله يې بيا له ايئنده افغانستان څخه امريکا او نورې کفري نړۍ ته د ګواښ نه پېښېدل دي.
خو دلته مونږ په دې نه غږېږو چې د امريکا او طالبانو تر منځ د تړون ماهيت، کميت او کيفيت به څرنګه او څه ډول وي؟
مګر دلته مونږ یوازې په دې غږېږو چې امریکا ولې له افغانستان څخه وېره لري؟؟
افغانستان چې له اقتصادي پلوه د نړۍ د تر ټولو کمزورو هېوادونو په کتار کې راځي، او همداشان د زور اوقت له اړخه هم همدا ډول حيثيت لري خو بيا هم امريکا له طالبانو سره په دې خبره جنجال کوي چې له ائينده افغانستان څخه بايد امریکا ته هېڅ ډول خطر متوجه نه وي.
دا چې امریکا او بلکې صليبي نړۍ له ډېر پخوا څخه د مسلمانانو پر خلاف د جګړې تر څنګ يوه بله هڅه هم پيل کړې ده چې هغه مسلمانان له اسلامي خلافتونو او اسلامي نظامونو سره نا اشنا کول دي..
او تر اوسه په دې هڅه کې پوره او بشپړ کامياب هم دي يعنې له عثماني خلافت څخه وروسته بيا تر نن پورې په يوه هېواد کې هم اسلامي نظام نه دی راغلی. بلکې همدا د صليبيانو په لاسونو جوړ شوي جمهوري نظامونه پکې شتون لري او پر مسلمانانو حاکمان دي.
خو يوازې او يوازې تقريباً دوه لسيزې پخوا د افغانستان طالبان وو چې په پوره زور او قوت يې د الله ج پاک قوانين او قراني نظام پر افغانستان باندې حاکم وګرځولو. خو دا چې اسلامي نظام مسلمانانو ته د ورورولۍ درس ورکوي. ځکه نو طالبانو هم نړيوالو مجاهدينو په افغانستان کې ځای ورکړ او د خپلو مسلمانانو وروڼو په څېر يې چلند ورسره پيل کړ. ځکه نو امریکايانو او نورې صليبي نړۍ ته وېره پيدا شوه چې که چېرته د طالبانو فکر او د دوی د نظام فکر نورې اسلامي نړۍ ته خپور شو نو د دوی (امریکا او صليبي نړۍ) ګټې به بلکل له خطر سره مخ وي بلکې بيخي به په اسلامي نړۍ دوی د لاسوهنې چانس له لاسه ورکړي.
نو ځکه يې د ناټو په شمول ټول کفر اشر کړ او پر افغانستان يې حمله وکړه، چې په ترڅ کې يې په افغانستان کې اسلامي نظام ړنګ او پر ځای يې خپل په لاسونو جوړ شوی ډيموکراټيک نظام حاکم کړ.
اوس خبره دا ده چې يو ځل خو امريکا د وېرې او ډار له امله پر افغانستان باندې يرغل وکړ او له همدې وېرې يې اسلامي نظام ړنګ؛ خو اوس ولې له طالبانو څخه د ائينده لپاره تضمين اخلي؟؟
لکه څنګه چې په مخکې کرښو کې تېر شول چې طالبانو ټولو مسلمانانو ته د وروڼو په نظر کتل، نو همدې معاملې په اسلامي هېوادونو کې خواخوږي پيدا کړل چې د امریکا د يرغل پر مهال يې له طالبانو سره خواخوږي وښودله. او اوس هم هغه د چا خبره که نور څه نه وي نو د طالبانو لپاره په لمانځه کې دعا ضرور کوي.
چې دغه ډول نړيوال محبوبيت ته په سياست کې سياسي نفوذ وايي، او دا سياسي نفوذ په نورو هېوادونو کې د هېواد له لوري ډېر ګران او سخت کار دی بلکې ناشونی کار دی.
چې په هېڅ ډول شونتيا نه لري.
خو طالبانو په خپلې پاکې مسلمانۍ او په افغانستان کې د اسلامي نظام په راتګ سره دغه کار ترسره کړ او نږدې د اکثريتو مسلمانانو زړونه يې خپل کړل.
نو امریکا هم د طالبانو له دغه ډول عمل څخه په وېره او ډار کې دی او په دې مذاکراتو کې غواړي چې د طالبانو دغه اوږد لاس له اسلامي نړۍ څخه لنډ کړي تر څو طالبان بيا په هغه ډول واک ته ونه رسېږي په کوم ډول چې پخوا واک ته رسېدلي وو.
